منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    نفــــــــاجات حميد

    شاطر
    avatar
    النفـــاج

    عدد المساهمات : 51
    نقاط : 111
    تاريخ التسجيل : 05/06/2010

    نفــــــــاجات حميد

    مُساهمة  النفـــاج في الأربعاء 9 يونيو 2010 - 13:11

    بين الموجة والخزان-حلم انسان



    هَرَدْتَ لهاتي بالغنوات ...
    وقُتْ يبُردْ حَشَاك يا امِّي
    ومن التّعب البلا صَالِحْ ..
    تفيقي ..
    تروقي ...
    تنجمِّي
    تسوِّي مكانسِكْ المطرة ..
    تضوِّي البيت وتنحَمِّي
    تمرقي صبوحة للجيران ...
    قدح فوق ايد وفي ايد أَلمْي
    يلاقوك شُفّع الكُتّاب
    نُضاف وظُراف بلا النّسْمي
    ويغنولِك ...
    يغنّولِك غناوي السّابْ
    وفي بيّوضة مافي سرابْ
    جُبال كَجَبي وفيافي الكاب ...
    تميد بالخُضرة منقسمي
    ولا غابار .. ولا هو سحاب ..
    وتنهجمي .. من الدّهشة
    وتحاحيهُن ...
    غناكُن نيي ...
    غناكنُ نيي ..
    غُنا الوهْمي
    ويهتفوا زي كلاب الحي ..
    على الأغراب
    حوافي الصّي وبيوضة
    البراسيم فيها مفروضة
    خدارا يراري شوف عيني
    على الأبوابْ
    قماريها
    وحواريها
    وطواريها
    بقت روضة .. بقت تشرب من الحامدابْ
    تشربي عافيي من إيديّ ...
    تدوِّي اليوية بي حِشْمي
    تسوّي السّي .. وتبتسمي
    تشوفي رهاب بُعُد نجمي
    واشوفو قريب قُرُب نَضْمِي
    اشوف العالم التِّحْتَاني ..
    هيلا هوب وقف ناهِضْ
    ودكّ عمايد الفوقاني ...
    جوه الُّجب رَمى العارضْ
    وفي السّابو الدّمَار أفراق
    عريق الحب نَبَضْ قابِضْ
    مِتِل قَبْض الحروف في اسمي
    غناوينا القبيل رَقْرَاقْ
    علينا تَصُب بَرِدْ قَارِضْ
    أَلُكْ طيناتا من دمّي ..
    وارْمُلا من عصب عشّاق ..
    أنُطْ تُلُّبْ واجيك عارِضْ
    واجُرْ نمَيِّ
    أدودي لهاتي بالغنوات ...
    عُقُب يبرد حَشاَك يا امِّي
    تسوِّي السّيْ وتبتسمي
    تسمِّي الشّعب وتعتّصْمِي
    بحبل القُدرة تتفرّقْ
    ظُلُمةً فيها تتحرّقْ ..
    صُرُمةً قالوا ليك قِسْمي
    أدودي لهاتي بالغنوات
    عُقُبْ يبُردْ حَشَاك يا امِّي
    تقلبي الكلمة بي الكلمي
    ضُراعِكْ يرْمِي ما يَدْمِي
    تقيفي بعيد عن الشُّمات
    تكوني اقرب لي من إسمي
    واضُمِّكْ بارتياح يا امِّي
    أحبِّكْ صَاحْ
    وصَاحْ حلمي
    ولاكي سعية للضَبّاحْ
    ولا شمش الصّباح حِزْمِي
    ولا كَتْف السِّلاح سوّاحْ
    ولا نزف الجراح ألمي
    هيا انحزْمي ..
    هيا انخلْقي ..
    هيا انعتْقي ..
    متين مو دايرة ري تسْقِي
    ولا في إيد النّزيف نبقَى ...
    ولا في إيد الخريف تبقِي
    ولا الفيضان يبدِّع بِكْ ....
    ولا في القيفة تنهدْمِي
    ولا انْ جَاتْ حارّه تنهزْمِي
    ولا يغشى الغُلُب قلبِكْ
    ولا تشقِي
    ولا انتِ تخافي لا تَدْمِي
    ضُراعِكْ يرْمِي ما يَدْمِي

    فيا حزن البلد عوك كَرْ
    ويا سعد الولد
    ضَرْ ضَرْ ...
    مع النّسْمِي
    و ألِوْ .. قيمة العَمَل عِمِّي ..
    وافتحي ظلمَتِكْ للضّي
    سِنِّي على النضال إيدي
    سوِّكي بالهُتَاف فَمِّي
    شوارعِكْ لَيْ ..
    دَويها عَلَيْ ..
    اذا ما اخر العلاج الكَيْ ...
    مراويدِكْ حُمُر صَمِّي
    مراويدِكْ حُمُر يا امِّي
    بليلتي ... ولا ضبايح طَيْ ؟؟؟
    قليلتي ... ولا كُتُر سِمِّي ؟؟؟
    وطني ... ولا مِلي بطني !!!!
    سُكَاتي .. ولا الكلام النيّ !!!

    سفيان

    عدد المساهمات : 27
    نقاط : 39
    تاريخ التسجيل : 08/05/2010

    المجد للكاسنجر

    مُساهمة  سفيان في الجمعة 11 يونيو 2010 - 2:56

    كم من نفاج بلانفجاتك انسدو
    وكم من ارواح تلاقى الموت وتهدوا
    يكون نفاجك مشرع
    للقاصدين لدارنا"ينعدوا
    يطلعو من قيفك لي قيفك
    وبالضوء الاخضر ينعبوا
    يهدو كهارب الدنيا الجارت
    ومن باكر ولامن باكر ينفرقوا

    ا ارجو ان يظل النفاج نفاجا"تلج منهو اجمل الاشياء فتكون احدوثة للزمان وركنا" للمكان وطريقا"

    مستنيرا" للانسان ...............................

      الوقت/التاريخ الآن هو الأحد 24 سبتمبر 2017 - 7:32