امسية فى حضرة اللبود وجعفر عثمان مع السيد ود البيه

اولا لابد من أن ندعو لعمنا السعيد محمد احمد الشيخ بالصحه والعافيه وهو طريح الفراش اسر عمليه جراحيه اجريت له وتكللة بالنجااااااااااح بحمد الله ............ بينى وبين عمى سعيد علاقه ابو يه مميزه منذ والدى رحمة الله عليه والسيعد رجل موسعه تاريخيه وثقافيه متنوعه .وكما تعلمون يجمع مابين السخريه والعبقريه والعسكريه .وفوق هذا وذاك رجل مفوه خطيب لايشق له غباااااااااااار.جالسته ودردشة معه الى أن اوصلته الى قصه ظريفه سمعته عنه قبل عدة سنوات ................ وهى عن حسونه الشاعر المعجزه شاعر الدشيه .... ولى كلام حول هذه المرءه التى كانت اكثر من نصف الرجل بل كانت تساوى اثنيت رجل ونصف .وحسنونه له شعر كثير جدا جدا جمعه جامع ديوان الشيخ حاج الماحى الا وان المنيه لم تمهله نسال الله له الرحمة الاستاذ عمر الحسن واتوقع ان يرى النور قريبا انشاء الله..المهم حسنونه فى يوم من الايام كان سايق قمح فى نورى ونقص عليه التيراب والناس وره يمشى لى بنيش الحلبى وبنيش حلبى كان ساكن فى نورى وقال كان عند راكوبه بارده فوق قيف البحر وجاحسنوه لى بنيش فى الراكوبه وقال ليه ياخى انا عايز مورى قمح ما لوري يا غيم مورى دى فيه ست قواريط قمح .قال ليه جدا ابشر كدى اقعد ارتاح وشرب القهوه وبعدين نديك القمح.حسونه قعد وشرب المويه والقهوه ............ وشالت نومه فى الهوه البارد فوق قيف البحر .وقام بنيش الحلبى جهز القمح ورسل الولاد قاليهم امشو ارمو القمح وكربنو الواطه واسقوه حتى تجو وبعدين الحمار خلوه ما تجيبوه راجع .وبالفعل الاولادعملو اللازم وجو راجعين .المهم حسونه قام من النومه الواطه عصرة خلاص والدنيا بقت مقارب .قال لى بنيش اه انا بدور امشى ادنى القمح .بنيش قال ليه يا عم العامل وحسونه اسمو عم العامل كان .القمح مشى واترمى واتكربن وسقوه .سكت حسونه وضحك .وقال هذه الكلماااااااااااااااااااااااااااات الرائعاااااااااااااااااات كروعت زاهر عند التعقيب .
البقول بنيش حلبى الرسول متبرى منو
دى البكيل مورى القمح والراحلى منو
دقه سيوف مو منجل حا ننو
وقرد الساعى زى مهرا كالفنو
ه اصلو خديوى والناس مو عارفنو
ههههههههههههههههههه وعمى سعيد قال عشان الناس دايما بتقول الحلبى عندو شنو بلا دق المناجل وساعية القرود قام نفى التهمه دى عنو بالكلمات ديل وكلم تعرف خدى هى سلالة محمد على باشاااااااااا
شكرا عم سعيد ولى رجعه تانى مع الدشيه وشيخ سيداحم وعلى ود عود وغنوم
بين الجلين سروحن وسيف الدكرى المسنون شلوخين