منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    النشال ..لمحمد سفله

    شاطر
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    النشال ..لمحمد سفله

    مُساهمة  عبدو الشيخ في الخميس 17 يونيو 2010 - 5:02

    يشيلك الله يا النشال شلت قليبى ما الجوال
    لاهو ربيكا لاهو رهيب n90 يسر البال
    يشيلك الله يا النشال

    زليت ورقة فوق الورقة اكاتل لى زمن شغال
    وكم بت القوى وساسقت فوق دربو وهرد ت نعال
    كلو عشان اوفر حقو كان خدمة ضراع وحلال
    يشيلك الله يا النشال

    يغطوك بالفضيحة انشاء دآئمآ تبقى مشيول حال
    وسرطانآ يعم الجوف يخلى حشاك بلى القربال
    صداعآ منو راسك تب يقرب ينفجر بركـــــــــــان
    وجنآ منو يملوك قيد وباقى القيد يسوهو شقال
    يقول الشافك هسع اخير البارح المحتـــــــــــال

    ايدك ما تضوق الحنة راسك ما يشوف الفــــــــــال
    ما تبشر مع الاصحاب من السمحات تشيل شبال
    وسم تبقى لك السيرة جبينك ما يشوفلو هــــــــلال
    تتكرتن بى امراضآ يبقى خفيف الطوحـــــــــــــــال
    يشوفوك بالقزاز ما تلقى جنبك لا شقيق لا خـــــال
    تموت مقطوع من الدنيا وحيدآ ما وراك عيـــــــــــال

    بعد ما تموت قبيرك برضو فيهو تشوف بشاتن حال
    نكير يرجاك بالسندان قبل ما يسأل اى سؤال
    وقبرك واب لهب يبقن محل لى ابشع الاهوال
    وبعد ده انا لى الكريم خليتو باقى حقيقى يا النشال
    ومن شيتآ يعرفو براهو ينصف حقى فى الجوال


    غايتو النشال دا باقيلي اخير يرجع الموبايل سااااااااكت

    ياسر محمد الحسن

    عدد المساهمات : 89
    نقاط : 137
    تاريخ التسجيل : 05/06/2010

    رد: النشال ..لمحمد سفله

    مُساهمة  ياسر محمد الحسن في السبت 17 يوليو 2010 - 8:49



    وبعد ده انا لى الكريم خليتو باقى حقيقى يا النشال


    الزول ما خلا لو حقيقاً لا ورا.
    بعد الدعاء دا كلُو بقالك خلى شنو تاني يا عبدو الشيخ

    لكن على العموم القصيده عجبتني شديد....مع تحياتي
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    رد: النشال ..لمحمد سفله

    مُساهمة  عبدو الشيخ في الإثنين 19 يوليو 2010 - 4:34

    شكرا على المرور يا ياسر..
    نزلت هذه القصيده قبل أن نتعرض أو يتعرض منزل التوم الى سطو من قبل حراميه لا ضمير لهم وقد خلفو داخل المنزل أكوام من الخراب ولا أزيد ...
    على العموم يا ياسر غايتو أحر من السرقه مافى ليس لقيمة المسروقات فحسب لكن الاحساس بالحقاره والضرب تحت الحزام ...
    وانا أدعو بكل دعوات أخونا الشاعر محمد سفله
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: النشال ..لمحمد سفله

    مُساهمة  زاهر سر الختم في الإثنين 19 يوليو 2010 - 14:43

    نزلت هذه القصيده قبل أن نتعرض أو يتعرض منزل التوم الى سطو من قبل حراميه لا ضمير لهم وقد خلفو داخل المنزل أكوام من الخراب ولا أزيد ...

    الاخ / عبدو الشيخ :
    الفلسفلة دي أول آثار سرقة بيت التوم
    وذي كأنو بيت التوم انضرب بمدافع
    ربنا يخلف ليك في العشرين الف الشالا الحرامي


    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته

      الوقت/التاريخ الآن هو الجمعة 21 يوليو 2017 - 17:43