منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    مكتبة الراحل المقيم اسماعيل حسن

    شاطر
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    مكتبة الراحل المقيم اسماعيل حسن

    مُساهمة  عبدو الشيخ في الخميس 17 يونيو 2010 - 5:17

    السيرة الذاتية للشاعر
    ولد الشاعر اسماعيل حسن او (اسماعين) كما كان يحلو لاهله بالمنطقة و لوالدته (حد الزين ان تناديه )بقرية البار القريبة من جلاس عام 1929وانتقل مع والديه الي مصر حيث كان يعمل في حرس الحدود كدأب الكثيرين من اهلنا في الشمال الذين انخرطوا في الخدمة العسكرية أبان الحكم الثنائي 00وتخرج اسماعيل من معهد الزراعة في مصر وعاد الي السودان والتحق بالبنك الزراعي وتنقل الي عدة جهات في السودان وعمل بعدة مشاريع مما اكسبه فهما واسعا بالسودان وامكاناته مما حدا بإنتخابه عضوا في مجلس الشعب في عهد مايو لعدة دورات بدا من سنار والشمالية فجمع بين الشاعرية والمسؤليات السياسية .
    وبالاضافة الي شاعريته العذبة التي تغني بها فنان افريقيا الاول الاستاذ محمد وردي وحفظ منها ورددها الكثيرين ليس في السودان وحسب بل في افريقيا والعالم العربي امتاز الشاعر اسماعيل بجهارة الصوت وحسن الالقاء حتي لقب ( بسيد الساحات)00اسرته تتكون من زوجته الوفية فتحية إبراهيم حميدة وأولاده وبناته أحلام ، أماني ، غادة ، مهيرة ، وليد ، الشريف ، عبدالجليل وأبوالقاسم
    رحل إسماعيل حسن المولود في 18 فبراير1982 ، أي أكثر من خمسة عقود من العطاء المتواصل تاركا ثروة فنية لا تقدر بثمن ودواوينه خمسة وهي ريحة التراب، حد الزين، يا سلام، الحرف والوتر وليالي. 0
    هذه مساحه مهداه لمنتديات الكاسنجر عسى ان نقف على حياة شعراء المنطقه
    (ملحوظة هذه المعلومات قابلة للمراجعة والتصحيح)
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    رد: مكتبة الراحل المقيم اسماعيل حسن

    مُساهمة  عبدو الشيخ في الخميس 17 يونيو 2010 - 5:18

    بلادي أنا
    بلادي بلادي اهلا يابلادي
    صدورنا حماية ليك من الأعادي
    بلادي انا
    بلاد ناسا في أول شئ
    مواريثهم كتاب الله ،
    وخيل مشدود،
    وسيف مسنون حداه درع،
    وتقاقيبن تسرج الليل مع الحيران
    وشيخا في الخلاوي ورع
    وكم نخلات تهبهب فوق جروف الساب
    وبقرة حلوبة تتضرع وليها ضرع ،،،
    وساقية تصحّي الليل مع الفجراوى..
    يبكى الليل ويدلق في جداولو دمع
    يخدر في بلادي سلام ..
    خدرة شاربي موية النيل ..
    تورد في البوادي زرع
    بلادي أنا بتشيل الناس وكل الناس
    وساع بخيرها لينا يسع،
    وتدفق مياه النيل علي الوديان
    بياض الفضة في وهج الهجير بتشع،،،
    بلادي سهول ،،بلادي حقول،،
    بلادي الجنة للشـافوها ،أو للبرة بيها سمع ،،
    بلادي أنا بلاد ناساً تكرم الضيف
    وحتى الطير يجيها جيعان
    ومن أطراف تقيها شبع ،،
    بلادي الصفقة والطنبور ،،
    وقمراتا تشع بالليل
    وبنوتاً تحاكي الخيل
    ،يشابن زيي جدي الريل،
    وشبالن مكنتر في طريفو ودع ،،
    بلادي بلاد من التاريخ
    من ترهاقا لاعن ميسنا
    وحتي الجاي سيف ودروع
    بلادي أمان ،،بلادي حنان،،
    وناسها حنان ،يكفكفوا دمعة المفجوع ،
    يبدوا الغير علي ذاتهم ،
    يقسموا اللقمة بيناتهم ،
    ويدوا الزاد ،حتى إن كان مصيرهم جوع ،
    يحبوا الدار ،
    يموتوا عشان حقوق الجار ،
    ويخوضوا النار عشان فد دمعة ،،
    وكيف الحال كان شافوها
    سايلة دموع ؟؟،،،،
    ديل أهلى..
    ديل أهلي البقيف في الداره
    وسط الداره
    وأتنبر وأقول للدنيا ديل أهلي
    عرب ممزوجة بي دم الزنوج الحارة..
    ديل أهلي
    ديل قبيلتي ، لمان أدور أفصل للبدور فصلي..
    أسياد قلبي والإحساس
    وسافر في بحار شوقم زمان عقلي
    أقول بعضى..
    ألاقيهم تسربوا فى مسارب الروح بقو كلي
    محل قبلت ألقاهم معايا، معايا زي ضلى
    لو ما جيت من زي ديل..
    وآآآأسفاي..
    وآمأساتي..
    وآذلي..
    تصور كيف يكون الحال
    لو ما كنت سوداني وأهل الحارة ما أهلي
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    رد: مكتبة الراحل المقيم اسماعيل حسن

    مُساهمة  عبدو الشيخ في الخميس 17 يونيو 2010 - 5:20

    بعد ايه

    بعد ايه جيت تصالحني
    بعد ما ودرت قلبي الكنت فيه
    جيت تشكي
    جيت تحكي
    جيت تبكي لية ليه
    اعتذارك مابيفيدك
    ودموعك مابتعيدك
    العملتو كان بإيدك
    انا ما لي ذنب فيه
    ليه جيت تشكي
    ليه جيت تحكي
    ليه جيت تبكي لية ليه

    انا خلدتك بشعري في زمانك
    وياما غنيت وكان كلو عشانك
    وكان جزاي منك صدودك وهوانك
    انا استاهل ..
    انا استاهل وضعتك في مكانا ما مكانك
    روح ..
    القدر بي نفسو ما بقسو عليك

    جيت تايب ياحليلك
    والفؤاد ملكوه غيرك
    ربي يعدل ليك سبيلك
    كل مناي في الكون عديلك
    ونهاية الخير نصيبك
    ليه ... ضيعوك ودروك
    انت مابتعرف صليحك من عدوك
    استغلو الطيبة في قلبك
    وبي اسم العواطف خدعوك
    حتى من كلمة حنانن وودادن حرموك
    الله ياخد ليك حقوقك ويجازي الظلموك
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    رد: مكتبة الراحل المقيم اسماعيل حسن

    مُساهمة  عبدو الشيخ في الخميس 17 يونيو 2010 - 5:21

    غلطة
    قاسي قلبك عليً ليه
    لو بحب يبقي ذنبي ايه
    قلبي توب من عواطفك
    ايه نهايةحبك ايه
    ******
    غلطة 00كانت غرامي ليك
    000وآخسارة دموعي فيك
    غلطة 00قلبي سلمتو ليك
    ما كان مكانو ما كان يجيك
    يوم لقيتك دا ما كان يوم
    يامبدل شجوني آآه 000
    قالوعني وعني ايه
    ******
    كنت تايه وكنت غريب
    وافتكرتك اعز حبيب
    ياما قلبي يخطأ ويصيب
    في العذاب كان لي نصيب
    من عرفتك جفاني حتي النوم
    يامبدل شجوني هوي
    انت حبك جنيت عليه
    ******
    كان طلعت القمره وجيت
    ولوحلفت برب البيت
    مابريدك مهما بقيت
    غلطة كانت وكان ابيت
    يالفراقك علي كان مكتوب
    يامبدل شقاي أنا
    انت حبك جنيت عليه
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    رد: مكتبة الراحل المقيم اسماعيل حسن

    مُساهمة  عبدو الشيخ في الخميس 17 يونيو 2010 - 5:30

    القمر بوبا

    الصغيرة شجيرة الأراك
    ياقمر عشرة الفي سماك
    شاغلة روحي وقلبي المعاك
    وين لقيتك لامن أباك
    القمر بوبا عليك تقيل

    العيون الما بدمعن
    نامن أو صاحيات يبرقن
    لا بصيدن لا بعشقن
    سرهن في الجوف يحرقن
    كشفن رموشن أو غمضن
    كلو موت ماتقول برحمن
    القمر بوبا عليك تقيل

    الصغيرون الما كبير
    الرقيبة قزازة عصير
    العيون متل الفناجين
    السنون براقن يشيل
    مابتحش قش التناجير
    مابتشيل جردل على البير
    الزراق فوقا تقول حرير
    شتتي الشبال يام ضمير
    خلي قلوب الصبيان تطير
    انتي ريحتك دمور فرير
    ولا بت السودان اصيل
    القمر بوبا عليك تقيل

    الجزير ام بحرا حما
    فيك روحي وحبي النما
    مابسيبا ان بقا في السما
    ما بخلي الناس تظلما
    روحي في دربك سايمه
    يا غرق يا جيت حازمه
    القمر بوبا عليك تقيل

    القديما قديمة الحمام
    الوزيزين في موجو عام
    يا ما رايقة قليلة كلام
    وا حلاتا تقول السلام
    القمر بوبا عليك تقيل

    الغزال الفوق في السلم
    المحبة تزيد الألم
    كل يوم اصبح لي في هم
    سيسبان عودك منظم
    شمعدان نفسك يام ختم
    البرتكان نهدك مدردم
    القمر بوبا عليك تقيل

    الصغيرون ام الجنا
    ياكريم ربي تسلما
    تبعد الشر من حلتا
    جنة للأم الولدتا
    الفي جبل عرفات وضعتا
    تسلم البطن الجابتا
    دي ترباية حبوبتا
    التميرة الفي سبيطتا
    الصفار صابغ خضرتا
    معزورة امها كان دستا
    وا هلاكي النار شافتا
    معزباني انا ود حلتا
    القمر بوبا عليك تقيل

    الدفيفيق الدابو ني
    البسيمتو بتكويني كي
    اهلو ضنو عليها وعلي
    حبها النساني والدي
    ما بخليك ان بقيت حي
    يا قصيبة السكر الني
    نهدك الما رضع جني
    ووب على امك ووبين علي
    القمر بوبا عليك تقيل

    الديوان الديمة مقشوش
    بالزهور والورد معروش
    بالحرير الأصلي مفروش
    ريحتو مايقوما بلا رتوش
    كان دا وصفو ماهو مغشوش
    قدروا الساكنينو في الحوش
    القمر بوبا عليك تقيل

    بحر الدمير الفاض ونزل
    مرة يسقي الفل والنخل
    فيهو عام وزينا وقدل
    ياهنينة البيك عقلي انشغل
    بعت روحي عشان ليك اصل
    وانت ابعد لي من زحل
    يا قمر بوبا عليك تقيل

    المبارك شيخ الضهر
    العليك ساسكت وفتر
    قلي جنيت ولا دستر
    واي أنا المرضان مكنتر
    جابو لي حكيم خير وشر
    قالي يا زول مرضك كتر
    سببك أب شلاخا خضر
    القمر بوبا عليك تقيل
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    رد: مكتبة الراحل المقيم اسماعيل حسن

    مُساهمة  عبدو الشيخ في الخميس 17 يونيو 2010 - 5:31

    لا لامـا بـنـســاك

    لـــو بـالـصـد أبـيـتـيـنــي * لـو بـالـنـار صـلـيـتـيـنــي
    لالا مــا بـنـســـــاك
    لــو حـاولـــت تـهـجــرنــي * أو تـنـســــانـي مـن تـــانـــــي
    يــوم تــرجــع تـجـد حـبـــك * بــدد هـمـــي وأشــــجـانــــــي
    وبــدل هـمـي فـي الـدنـيـــا * وفـاض بـالـفـرحـة ألـحـانـــي
    لا لامــا بـنـســــاك
    لـــو تـعـــرف بـأنــــي أمــيــن * أنــا ريــدك بـــراعــــيــــــه
    وقـلـبـي الـراجـي لـيـك سـنـيـن * مــا مـمــكــن تــجــازيـــــه
    دا الــراجـــيـــك وبــتـــألــــــم * كـيـفــن كـنـت نــاســـيــــه
    لالا مــا بــنـســــاك
    لــــو بـس شــفــت آهــــــاتـــــــــه * مــا كــت يـــوم بــتــتــبـســـم
    لـــــو تــابــعــــت دقــــــاتـــــــــــه * مــا بــتــقــدر بــراك تــحــلـــم
    لـــــو حــســـــيــت بـــأنـــاتــــــــــه * طــــول أيــــامـــه يتــظــلــم
    كـــنـــت رجـــعــــت صـــافــيــتـــه * نــســيــتــو الــدمــوع والـهـــم
    لا لامــا بــنــســـاك
    مــهــمــا جـــــرت صـــــديـتــنــي * دون أســــــبــاب وبـــكـــيــتــنـــــي
    عــلـي درب الـهــــوي والـشـــــوق * بـــراي يــا قـــاســــي خــلــيــتــنــي
    أداري دمـــوعـــي مــن الـنــــاس * أقــــــــول يــا ريــتــنــي يــا ريــتـنـي
    تــعـــود مـن تــانـــي نــتـــلاقـــي * وآه لــــــو مـــــرة صــــــافـــيــتــنـــي
    لا لامــا بــنــســــــاك
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    رد: مكتبة الراحل المقيم اسماعيل حسن

    مُساهمة  عبدو الشيخ في الخميس 17 يونيو 2010 - 5:33

    يا طير يا طاير


    يا طير يا طاير من بعيد فوق الغمام
    من ربوعي أحمل الشوق يا حمام

    إن شالله تمشي وتشمي يا طير لي تعود
    لي حبيبي تحمل الحب والورود
    احكي عني وقلو يا طير هل يعود
    من فؤادي ليهو ليك ألفين سلام

    يا طير يا طير خوفي بس تنسى الكلام
    يوم تشوفو هالّي زي بدر التمام
    في جبينو نور يشع يضوي الظلام
    في عيونو يرقد الشوق والغرام
    حِبِّي عارف إنو في صمتك كلام

    ياطير يا طاير لي حبيب زي اليمام
    هادي طبعو زي صغير قبل الفطام
    ديمة ضاحك ثغره يعلوه ابتسام
    من فؤادي ليهو ليك ألفين سلام
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    رد: مكتبة الراحل المقيم اسماعيل حسن

    مُساهمة  عبدو الشيخ في الخميس 17 يونيو 2010 - 5:34

    ياسلام
    يا سلام منك أنا آه
    يا سلام منك أنا آه
    يا سلام .... يا سلام
    العيون فيها سهام
    والكلام فيهو كلام
    في حديثك
    في ابتسامتك
    زينة يا أحلى غرام

    لديارك جيت يا روحي ليك أزور
    ومن كلام الناس والله قد ضاع السرور
    في إيديا
    ليك هدية
    سامحيني
    واعذريني
    واقبليها يا بدور

    العواذل قالوا ليك
    قالوا إيه
    قالوا بحب
    والله إنت وبس
    إنت في قلب المحب
    هددوني
    ألموني
    عذبوني
    بدلوني الفرحة نار وهيام يوم الغرام

    إنت لونك
    وإنت طبعك
    هادي ما فيهو البشين
    تشبهي الفل في الجناين
    حتى عطرك ياسمين
    ربي يعلم
    كم قلبي مغرم
    إنت ترحم
    بين ضلوعي النار تقيد
    ده حرام والله حرام
    avatar
    النفـــاج

    عدد المساهمات : 51
    نقاط : 111
    تاريخ التسجيل : 05/06/2010

    عن الرائع اسماعين

    مُساهمة  النفـــاج في الخميس 17 يونيو 2010 - 5:47


    الرائع اسماعين كما كان يحب ان تقال له
    حسب رواية بنته ان كل شعر اسماعين العاطفي
    كتبه فى فتر ه انفصال من زوجته دامت عامان
    ابتداءً بغلطة -- لاحظ اخي عبدو الشيخ ما في غلطةمن شجن
    تكسوه عزة نفس
    ...غلطة قلبي سلمتو ليك
    ...ما كان مكانو
    ...ما كان يجيك
    بداخلها رجاء ومناجاة يزيدها القامه وردي القاً
    وانتهت فترة العامان بوا اسفاي كما قالت بنته الكبرى
    ليتها امتدت لعام اخر؛؛؛؛

    شكرا اخي عبدو الشيخ لهذه الروعه؛؛؛؛؛؛
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: مكتبة الراحل المقيم اسماعيل حسن

    مُساهمة  زاهر سر الختم في الجمعة 18 يونيو 2010 - 11:36

    الاخ / عبدو الشيخ

    تحية واجلال

    * مقدمة رائعة .....
    و مكتبة اسماعيل حسن مكتبة عامره .... واسرار في كتاباتة كالسهل الممتنع .. وتحية للنفاج علي هذه الاضافة الجميلة ...

    واصل سيعك ... واصل واصل

    ودي ... وسلامات


    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته

      الوقت/التاريخ الآن هو الخميس 20 يوليو 2017 - 9:33