منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    مكتبة الشاعر الراحل / حسن الدابى

    شاطر
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    مكتبة الشاعر الراحل / حسن الدابى

    مُساهمة  عبدو الشيخ في الخميس 17 يونيو 2010 - 5:46

    أفتتح لكم هذه المرة التوثيق لقصايد هرم الشعر الشايقي 00 مهيبا بالأعضاء00الإضافة 00لعلمى التام من وجود بعض أعضاء منتدى الكاسنجر من يعشقون هذا الهرم الكبير .
    الشاعر حسن الدابي
    السره الذاتيه :-
    هو حسن محمد بخيت الدابي أمير شعراء الشايقية نشاء بمنطقة القرير في بدايات القرن الماضي ورحل عنا في يوم الاربعاء الموافق 2/9/1998 وترك الحسرة علي وجوه الكثيرين بعد ان وضع بصماتة الواضحة علي اغنية الطمبور عبر كلماتة التي تغني بها عمالقة فناني الطمبور إبتداً من الفنان الراحل النعام ادم ومحمد كرم الله ومحمد اليمني ومحمد جبارة بالاضافة الي مساجلاته و ردوده علي الكثير من الشعراء منهم الشاعر القامة السر عثمان الطيب وعبدالله محمد خير
    له اربعه اولاد منهم الشاعر الكبير اليوم حاتم حسن الدابى صديق الكاسنجراب , ولحين أن التقى بحاتم او عوض التومى سوف أقوم بتعديل هذه السيره الذاتيه .
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: مكتبة الشاعر الراحل / حسن الدابى

    مُساهمة  عبدو الشيخ في الخميس 17 يونيو 2010 - 5:47

    دمع الدم
    يا عيون ابكي دمع الدم

    الزمان بي عذابي حكم

    تراني بقوقي ( بغني ) واترنم

    اجرو مع الخيال النم

    على الامي زدت الم

    مضروب من عيونو سهم

    دقيت بابو قالي نعم

    غلبني معاهو اتكلم

    قال بي مطلبك بهتم

    قلتلوا ياخي جود وارحم

    لو في بيتو يتبسم

    عبيرو يفوح بعيد ينشم

    طريحة وبيها يتبلم

    اظنو على هلاكي عزم

    قاسي قليبو ما بيرحم

    حديد ما من لحم او دم

    مر علي ما سلم

    منو وليهو بتظلم
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: مكتبة الشاعر الراحل / حسن الدابى

    مُساهمة  عبدو الشيخ في الخميس 17 يونيو 2010 - 5:49

    مسخت عوم البترطن فى جروفا
    ________________________________________

    مسخت عوم البترطن في جروفه

    اه يا خلايه فجولي اللشوفه

    الصدير رجفاته سبب لي خوفه

    خام ثمار ال الله قال دانيت قطوفا

    الرقيبه قزازة الروم في وقوفا

    جرعتني العلاقم بي صنوفه

    بروقيها الداره لخبطي لي صفوفا

    خلي حسادك عديل تخضع انوفا

    ديسه شوف عيني من شكت كتوفا

    الا دايما نافره يا ناس ما ولوفا

    صممن جاراتا قال لي عطوفه

    ملا شوفته لي تشهر لي سيوفا

    العلي والبي كلو سبب عزوفا

    لو تحلو رموز اصابع اليد حروفا
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: مكتبة الشاعر الراحل / حسن الدابى

    مُساهمة  عبدو الشيخ في الخميس 17 يونيو 2010 - 5:52

    آه يا خلايق


    يا خلايق لي جاره البرتكان تقليد صفاره

    فرهدت في عز عماره ما بجيبو حرام خباره

    حابكة بالمليون تجاره نهار وليل قاعدين حياره

    سيدا قال ليهم صغاره ما استوت دفيق ثماره

    مرة ليها مشيت زياره عاكسوني أهل الغفاره

    قالوا زي شوفتك خساره يا خي سيبنا بلا عواره

    في الفؤاد موقودة ناره وقلبي مجروح بي حساره

    زاد شراييني انفجاره إلا وقفت لي الجباره

    رحت استفسر كباره هدوني قالوا غراق بحاره

    العقلة فايتي من الحدارة والخدود زاد ازدهاره

    جبينة يشهد بالنضارة عبيرها منو الناس سكارى

    تبتسم يغريك هزاره رموش عيونا أخد حذاره

    شوفو عقليتي وجساره بقت تجيد لحن العذارى

    لو تعود تسكن دياره بودي للفقرا المزارة

    ما لقيت لي طريق بصاره دابة روحي قرب وداره
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: مكتبة الشاعر الراحل / حسن الدابى

    مُساهمة  عبدو الشيخ في الخميس 17 يونيو 2010 - 5:56

    الرد علي الرسالة الثالثة وهي قصيده رد بها علي قصيدة الشاعر/ عبدالله محمد
    خير( ود الدابي مالك ساكت)
    عبدو أخوي
    صحيح ياعبدو اخوى قولك حقيقه
    كتير الطفشه ( الجلا ) من فريقه
    يزازى نقل سميحات الخليقه
    ورنين صفارتو نفسى ابت تطيقه
    معاها انا كيف اسوى شنو الطريقه
    تعيق فى الناس اله الناس يعيقه
    اتمناله فى دالة غريقه
    تحتل فيها ما تفضل شقيقه
    تطير ريشاته منها بى فريقه
    وصميم مكناته تلتهمو الحريقه
    قمرات نومه تسكن ام دريقه
    وتولد فى عنابرو عشان غريقه
    بناتنا حليل سروحن فى السبيقه
    لقيط ام راس مبقعى و الكريقه
    اديهن حلوه غير لبس ام دقيقه
    وبدون كترت غويش نفسن طليقه
    جمالن خلقه لو لفحن طريقه
    وبدون مضغوط فراد باهى زيقه
    يا حليل قتانن الفوق السليقه
    ليقيمتو تطمن الضارباهو ريقه
    كتير قبلك يئن مضروب بديقه
    تسد عبراتو تسمع لى شهيقه
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: مكتبة الشاعر الراحل / حسن الدابى

    مُساهمة  عبدو الشيخ في الخميس 17 يونيو 2010 - 5:59

    تسفكى دماى

    تسفكي دماي تقولي مسافره يا محبوبه كيف
    حرام لحظات تهدي بناي تقلبي ربيعي صيف

    صيف نظاهو ينشف السما في الخريف
    لادعاشات لامطر لاهمبريب لاحتى زيف

    شبح الفرقه كشر نايبو طل علي مخيف
    خلق لي زهور اقرقر وابكي ادور بقفاي واقيف

    يا حليل الامو سارحابيهو بي ساي والعريف
    الجبوب ما جاب قرن يادوبو من الجش مو اريف

    عايني كفيلو هوجج صدرو اما وسط نحيف
    يوقل في يدفن خوف بعد ماكان اليف

    اما بسيمتو تلخم لخمه منها يا لطيف
    عارفوا براي كايس بلوه لي بلواي يضيف

    قلبي العندو قلت يسندو سله عليهو سيف
    قلت اشكيهو لي قاضيهو عارف القاضي في صفو بيقيف

    اقيفوا معاي وقيعكم يا حواجنين الجريف
    انهمو الفكيه شيخ ابوكم قولوا جانا الدابي ضيف
    كفوفكم ارفعوهن لي المهيمن واللطيف
    يجيب لي دعاي انا الواقفلي بين هدام وجيف
    لا قطر ينهر يقوم لاطايره بالسما تستضيف
    لا باصات ولا عربات تحرك سنت من ضلو الوريف
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: مكتبة الشاعر الراحل / حسن الدابى

    مُساهمة  عبدو الشيخ في الخميس 17 يونيو 2010 - 6:01

    برقو شال
    الليلة هب وبرقو شال
    في القبلة تال ناس ود بلال
    مولايا ياحي ذو الجلال
    مليون من الورق أب جمال
    عكس الدهر ما عندو حال
    صبحني حافي من النعال
    كيلو اللحم الكان ريال
    قالولي تاني تجيب ريال
    قرش السعوط من بت جمال
    من كتحتين تلقاهو زال
    قالولي بيع البرتقال
    ما لاقي سوق وده ما هو حال
    المنقة عايشابا الصبار
    وفيها الكلاب لقت المجال
    علمت ربي من الريال
    والناس يقولوا تراهو عال
    بقت السمايي من المحال
    وحق المشاط في قيل وقال
    البيت كتر فيهو العيال
    واقع ورا العتق الغزال
    في سمعنا السكر غلا
    ومن حالنا يا كافي البلا
    تاجرنا دكانو اتملا
    والجيب من المليم خلا
    صليت على المزملا
    عدد الجزالين الخلا
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: مكتبة الشاعر الراحل / حسن الدابى

    مُساهمة  عبدو الشيخ في الخميس 17 يونيو 2010 - 6:03

    يا حمام التعذيب كفى

    بي ألم ، هل لي من شفا
    ياحمام التعذيب كفى
    البدر في ليلة صفا
    نور جبينك أقسم خفا
    لحظك النار البقذفا
    الحجار الصم يخسفا
    كابي ديسك ساتر القفا
    بسمك البرق الخاطفا
    فيك طبع الظبا في الجفا
    دربك الصياد ما قفا
    بي آلام ومصنفا
    مستحيل الطب يعرفا
    يا طبيبي الفيك الكفا
    ضل دونك ذو معرفة
    في وعودك ما ليك وفا
    ليك ساسق قدمي وحفا
    قلبي موسيقاك يعزفا
    لي لقاك الدما ينزفا
    خلي عندك لي عاطفة
    كان تجاهر أو بالخفا
    بي قنابلك نفسي انسفا
    روحي ليك بالهنا والشفا
    نجض الكيات خلفا
    نار غرامك ما ألطفا
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: مكتبة الشاعر الراحل / حسن الدابى

    مُساهمة  عبدو الشيخ في الخميس 17 يونيو 2010 - 6:04

    جني الوزين
    مادام طار جنى الوزين يادوب قل نوم العين
    لرؤياك مشتاقين خطفتا قلوبنا ركيت وين
    آذاي ما بينفعه التحصين ولا الفقرا البقيموا الدين
    يادوب قل نوم العين
    قولو ليّ يامسكين عليك ظلم الحسن وحسين
    يادوب قل نوم العين
    جسمو عبير ومن ياسمين وارضو قرير أعز الطين
    يادوب قل نوم العين
    مقبول هادئ طبعو رزين في الكون ما ليقتو وزين
    يادوب قل نوم العين
    أشكيك يادهر لمين بلى الخلق البشر من طين
    يادوب قل نوم العين
    قلبك قاسي مابيلين وليه الناس بيقولوا حنين
    يادوب قل نوم العين
    يا أخي القاه الصبر من وين ما دام عيشتي نوح وحنين
    يادوب قل نوم العين
    مادام طار جنى الوزين يادوب قل نوم العين
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: مكتبة الشاعر الراحل / حسن الدابى

    مُساهمة  عبدو الشيخ في الخميس 17 يونيو 2010 - 6:05

    شتيلة قريرا
    الفجر نبحن بوابيرا
    حليل تغريد عصافيرا
    بلاها أصبحنا في حيرة
    يازهرتنا النضيرة
    حرام نقلك من الجيرة
    دهب زادوه تجميرا
    لفة خاتم ضميرا
    شبيهة البدر المنيرة
    ليك تاجوج ماها سيرة
    نزلت العقلات الضفيرة
    تداعب رمان صديرا
    نظرتك قاسي تفسيرا
    فيها انذارات خطيرة
    ست الكل يا أميرة
    روحي كفاها تدميرا
    ضاقت وغلبت بصيرا
    خلاص اتحقق مصيرا
    فراقكم زادتي تعكيرا
    وبلاك ما عندي تفكيرا
    يا صلاح أم شديرة
    تعود ونشم من عبيرا

      الوقت/التاريخ الآن هو الإثنين 20 نوفمبر 2017 - 16:15