منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    التلودى وحسن كركته(حسن احمد على)

    شاطر

    ايمن محمد عثمان

    عدد المساهمات : 73
    نقاط : 112
    تاريخ التسجيل : 04/06/2010

    التلودى وحسن كركته(حسن احمد على)

    مُساهمة  ايمن محمد عثمان في الجمعة 18 يونيو 2010 - 8:10

    سلام من تانى يا اهلى العزاز ولزاز .............. كركته هههههههههههه حسن احمد على رد الله قربته بالسلامة حسن ليه مواقف وقصص كثيره جدا جدا وزاهر عارف الكلام دى ......... الخلوه والتلودى والماحى ود البسوار ومحجوب سيداحمد والخليفه ودسيداحمد وحسون وعبد المنعم الماح يالله ايام لها ايقااااااااااااع ........... فى يوم جى حسن احمد على صلى الصبح حاضر فى الخلوة والجماعة قدموه يصلى بيهم .المهم بعد تردد صلى بالجماعة الصبح .وعند القنود اخدلو وقفه طويلى بعتباره يقرى فى القنوت ........... وبعد ما سلم ناداه التلودى اللهو عم عثمان ... يا ود احمد تعال حسن جى قعد جم التلودى ... فقام قاليه يا ولدى عمك مو حافظ القنوت ممكن تحفظو عمك قال الزول الدغش بفهم ويحفظ كويس .ههههههههههههههههه وعمك عثمان كان عارف حسن مو حافظ القنوت تلعثم وتردد حسن وقال والله .... ياعم عثمان انا زاتى ما حافظ القنوت والقفه القفته دى عشان لو كان فى زول حافظ يقراه ههههههههههههههه لكن انت يا عم عثمان عايز كلام ماك عايز تحفظ هههههههههههههههههههههههههههههههههههههههههه

    ودى توضح قصص زكاء عم عثمان التلودى الله يرحمه رحمة واسعة
    ولى عوده مع اشرف يااااااااااااااااااااااااااااا زاهر
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: التلودى وحسن كركته(حسن احمد على)

    مُساهمة  زاهر سر الختم في السبت 19 يونيو 2010 - 11:54

    التحية لك اخي أيمن والتحية الي هناك الي الاخ / حسن وربنا يرد غربته والف رحمة ونور لروح عمنا عثمان التلودي

    وهذه القصة يا أيمن طيرت حسن من صلاة الصبح في الخلوة

    وللتلودي أيضا مساهمات في أدب الاخوانيات بالكاسنجر ... اتمني أن تفتح لنا هذا الدفتر ويمكن الاستفادة من الاخ/ اشرف بس ما تقول زاهر قال لي

    سلامات


    _________________
    موقع الكاسنجر الجديد

    [ندعوك للتسجيل في المنتدى أو التعريف بنفسك لمعاينة هذا الرابط]



    سبحان الله وبحمده عدد خلقه ورضا نفسه وزنة عرشه ومداد كلماته
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 38

    رد: التلودى وحسن كركته(حسن احمد على)

    مُساهمة  عبدو الشيخ في الثلاثاء 22 يونيو 2010 - 2:30

    نحى الاخ الغائب الحاضر حسن ذكيه كما يحلو لنا وربنا يجمعنا بيه فى ساعة خير ...
    شوف سبحان الله الاخ حسن ما حافظ القنوت فى ذلك الزمان وهو الان زار بيت الله مرات عديده ومتعدده والراجل بقى حاج كبير , وغايتو انا اول حاجه بسألو عند عودته سالماً انشاءالله ( سَمع القنوت ) ؟؟



    (الندواه واللهفه والشوق الجنون )

    ياسر محمد الحسن

    عدد المساهمات : 89
    نقاط : 137
    تاريخ التسجيل : 05/06/2010

    رد: التلودى وحسن كركته(حسن احمد على)

    مُساهمة  ياسر محمد الحسن في الأحد 18 يوليو 2010 - 11:25


    شكراً ليك ايمن و أنت تنعش و تنفض الغبار عن ذكريات الماضي الجميله...والما عندو قديم ما عندو جديد.

    و من قصص التلودي مع حبوبه (ود البي) الله يغفر ليهم و يرحمهم.
    في موسم من مواسم الزراعه الشتويه، حبوبه أدا التلودي و أخوه الخليفه جزء من واطاتو و زرعوها شمار و كان وقتها الشمار غالي وزارعتو طالعه يادوب، لكن للأسف شمار التلودي لم ينجح و محصولو لم يغطي الخساره و حبوبه في النهايه طلع خسران.
    في موسم السنه التاليه ايضاً جاء التلودي و أخوه الخليفه و طلبو نفس قطعة الأرض الزرعوها السنه الفاتت، ليزرعوها شمار تاني.
    حبوبه قاليهم ياخوانا الشمار ده تاني ما تزرعوهو، ازرعو الواطه دي قمح، وهم مصرين إنو يزرعوها شمار، و حبوبه ما داير الشمار لانو زهجان منو و حصل خلاف بينهم إلا أن تدخل حاج البشير الله يرحمو و الكلام ده كلو في راكوبة الجامع بعد صلاة الجمعه.
    حاج البشير: ياحبوبه ما تدي الجماعه ديل الواطه يزرعوها شمار.
    حبوبه: يا حاج البشير الجماعه ديل انا أديتم الواطه دي السنه الفاتت و زرعوها شمار و انا طلعت منو خسران، إذا دايرنها يزرعوها قمح.
    حاج البشير: خلاص يا حبوبه بس يجربو السنه دي يزرعوها شمار.
    حبوبه: ياحاج البشير انا فاتحلي مدرسة شمار ياخي؟؟؟، يزرعو قمح ولا يخلوها!!!..الجماعه كلهم ضحكو و في النهايه زرعا عمنا عطيه عبدالله قمح.

    مع تحياتي وودي للجميع

    avatar
    ابوعبيده خليفه

    عدد المساهمات : 21
    نقاط : 45
    تاريخ التسجيل : 09/06/2010

    من اين جاء اسم التلودي

    مُساهمة  ابوعبيده خليفه في السبت 24 يوليو 2010 - 9:24

    study اولا شكرا للاخوان ايمن وياسر حميد على هذه القفشات والحكاوي عن العم التلودي.
    يحكي التلودي عن هذا الاسم بعد ان ساله احد اولاد الفكياب واظنه مصطفي ود الروم وقد كنت حاضرا
    قال التلودي سماني واحد من عمال التلفون وكان ذلك عندما كان سلك التلفون لمحافظة مروي ياتي بالكاسنجر
    لان بها جزر كتيره وكان عمنا عثمان صغيرا يلعب مع اولاد جيلو وهو كان زول هابش فقام مسك سلك التلفون
    واخذ يجر فيه طبعا عذب العمال عذاب شديد فقام احد العمال قال ليه( امش عامل كده زي التلودي )
    فاخذ الاطفال يضحكوا علي هذا الاسم وسار عليه منذ ذلك اليوم.

      الوقت/التاريخ الآن هو الثلاثاء 23 أكتوبر 2018 - 11:49