منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    كسنجرابية مية المية

    شاطر

    فاطمة احمد المجذوب

    عدد المساهمات : 11
    نقاط : 18
    تاريخ التسجيل : 17/06/2010

    كسنجرابية مية المية

    مُساهمة  فاطمة احمد المجذوب في السبت 19 يونيو 2010 - 5:03

    تتمــدد اللغة العربيـة في الكتب والمعاجم لكنهـــا تحتـــار رغم غزارتهــا عن رسم جملة واحده تليق بى مقام بلد ى الحبيب الكاسنجر التى ترقد هادئة مطمئنة على صدر النيل يكننا القول باننا امام صور من الابداع صامتة تنادى من يملك أداة التعبير ودقة المشاعر ليرسمها ويصورها لنا فنا اصيلا
    لم أعرف كيف أصوغ جمالها لكنى اقول

    أهواكى مذ كنتُ غراماً فى عينيْ أمي وأبى
    وحملتُ الحبَّ معي بدمى.
    وأحْمِلُهُ حتى ألقى ربى
    اهواكى بلدى
    I love you I love you I love you
    أخص بالتحايــا كل من قام وشرك فى تاسيس هذا الصرح الذى جعلنا نتواصل معكم من خارج البلاد بى احبابنا واهلنا واقول إن الكتابة لمثلكما يحفها إرهـاق التخيـر ، وإنتقــاء الحــروف لمثلكما مشقة تورث الأرق ، لكن للتفرد والتمييز مزايا سجلت حصريا لكم احترامى وتقديرى

    خالــــص التحايــا لى اهلى وناس واحبابى بى الكاسنجر والــود لكل والأعضـــاء معتقـــة بروعــة كاسنجرنا أنثرهـــا لتحتشــد أمامكم حضــورا جميـــــلا .
    فاطمة احمد المجذوب
    (تينا)
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: كسنجرابية مية المية

    مُساهمة  زاهر سر الختم في السبت 19 يونيو 2010 - 11:32

    اهلاً ومرحبتين حبابك .... فاطمة أحمد المجزوب من بلاد الغربة ...
    والغربة لافي مدر الفكر تحراها لا بتنقاس
    غدر والفيهو ما كسناهو
    وين بعد الوطن بنكاس

    ونحمد الله أن هيأ لنا هذا التواصل علي خدر حبيبتنا الكاسنجر ونسال الله ان يجمعنا وكل الطيور المهاجرة في ساعة خير :

    راجنكن .....
    ما شال بريق فتق السماء
    راجنكن .....
    ما حن طنبور لي وترتو
    وناغمـــا
    راجنكن .....
    ما طاف سعد بيناتنا
    شايل الأوسمة
    راجنكن .....
    عيد الحياة وعيد اللمـــا
    راجنكن .....
    والخاتمة راجنكن والخــــــــــــاتمة

    وامانة في رقبتك تحياتي لاستاذنا الفاضل أحمد المجزوب ... ولازم يسجلنا معنا لاننا نحتاج الي فكره وعلمه في مجالات شتي ... وسويناها ليك في ذمتك

    لك ودي .... وسلامات


    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    رد: كسنجرابية مية المية

    مُساهمة  عبدو الشيخ في الأحد 20 يونيو 2010 - 3:00

    الطيور المهاجره من كاسنجرنا دوماً نحمل لها كل اشواق الكاسنجر ونقول بصوت واحد :-
    (بلادك حلوه أرجع ليها ودار الغربه مابترحم * مهاجر لى دار تعيش فيها وعشك سايبو وحدانى * ما إنت القت مابتفوت وطن بالعزه ربانى )
    من أجلكم نصنع الفرح من هنا أرض الكاسنجر الطاهره لنرسله إليكم وهو يحمل كميات من الحنين والشوق ...
    ترحيب حار بالاخت فاطمه بنت الاستاذ الجليل القامه احمد المجذوب وسلام مطبوق له ..




    (الندواه واللهفه والشوق الجنون )
    avatar
    بنوته الكاسنجر

    عدد المساهمات : 1
    نقاط : 1
    تاريخ التسجيل : 01/07/2010
    الموقع : بورسودان

    رد: كسنجرابية مية المية

    مُساهمة  بنوته الكاسنجر في الخميس 1 يوليو 2010 - 13:19

    تسلمي يا تينا ع الكلمات الرائعات ومتين تجو تنورونا في السودان سلامي لكل الاهل flower

    ايمن محمد عثمان

    عدد المساهمات : 73
    نقاط : 112
    تاريخ التسجيل : 04/06/2010

    رد: كسنجرابية مية المية

    مُساهمة  ايمن محمد عثمان في الجمعة 2 يوليو 2010 - 2:15

    صراحة تينة نشكر مشاركتك وكم انتى رائعة .ولكن كل ما اخش المنتدى اتذكر تينه البنت الصغيره وهى جايه من مديح العيد .وعربة ودنرى قدام الفاضلاب عدت وانتى فجئه طلعتى ووقفت فى الطريق وسط غبار العربة وانا كنت ماشى وراء عربة ودنرى وبرضو سايق وقربت اضربك ونهرت وخفت شديد وانتى صغيره تضحكى ياترى تتزكرى هذا الموقف

    مع خالص تحياتى للاستاذ والاسره الكريمة

    فاطمة احمد المجذوب

    عدد المساهمات : 11
    نقاط : 18
    تاريخ التسجيل : 17/06/2010

    تصور كيف يكون الحال لو ما كنت من زى ديل وآسفاي.. وآمأساتي.. وآذلي..

    مُساهمة  فاطمة احمد المجذوب في السبت 3 يوليو 2010 - 7:40

    تحية ود وحب وشوق وإحترآم ومشكورين على المرور والترحيب اسعدنى مروكم وازدادت صفحتي نورا واشراقا بى حضوركم الانيق
    اخونى زاهر سر الختم عبدو الشيخ موده ايمن انتو من بلادى انا
    بلاد الــريد والمحنه بيوت الــــــطين القديـــــــــمي
    ســلام ليك يعم يطوفك يحلق في سمـــــاءك ديمي
    بعيد عنك يا بلدنا مصاقر الغربة اللئيمـــــــــــــي

    معاي في البال مابتغيبي واجيب في سيرتنا ديمي
    صورة في عيني تتراي مشاهد حلوي وعظيـــمي
    تشيل من نفسي الماسي وباقي الذكري الاليمــــي

    بعيد عنك يا بــــــــلادي حياتي أنا ماليها قيمـــــي
    دايــر أرجع ليك وأضمـــك وأعيش أنا فيك ديمـي

    انشاء الله يوم 6\7
    أناماشي مكان الخيركلوغاشي مكان نومي مكان نعاسي مكان يرجع لي احساسي مكان الفرح الوراثي مكان حنيه وحناسي مكان الريده الاساسي مكان انافيهو رواسي مكان لاقلنالاقالو ولاهماز ولا واشي مكان الدنيا تضحك لي واحس انو الزمن ماشي الى الكاسنجر الحبيب
    طبعا ما انسى هذا الموقف ابدا اخوى ايمن انت كنت تتودينى فى ستين الف دهيا بس ربك ستر اها يا ايمن سجل عندك (واحد) بعدين نجى نحاسب ههههههههههههههههههههههههههههههههههههههههههههههههههه
    مع خالص حبى وتقدير واحترامى
    فاطمة احمد المجذوب
    تــــــــــــــــــــــــــــــــيــــــــــــــــــــــــــــــــــــنــــــــــــــــــــــــــــــــــــا


    عدل سابقا من قبل فاطمة احمد المجذوب في الأحد 4 يوليو 2010 - 3:20 عدل 3 مرات

    ايمن محمد عثمان

    عدد المساهمات : 73
    نقاط : 112
    تاريخ التسجيل : 04/06/2010

    رد: كسنجرابية مية المية

    مُساهمة  ايمن محمد عثمان في السبت 3 يوليو 2010 - 7:57

    يا غريب عن ديارك مصيرك تعود

    خبر سعيد بعودتك أختى نينه سوف تنورى الكاسنجر وكل القرى المجاورة .متمنين لك إقامة سعيدة بين أهلك وأحبابك وهذا لا يعنى أنقطاعك عن المنتدى بل مساحة للاستجماااااااااااام والتواصل مع الرفاق فى هذه الدوحة الوريفة وهى الكاااااااااااااسنجر فالف الف مرحباًبيك
    وأعملى حسابك المره دى ما عندى فرامل وعربية ودنرى سايقه احمد الزين هههههههههههههه
    مع خالص ودى واحترامى

      الوقت/التاريخ الآن هو الجمعة 24 مارس 2017 - 9:08