منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا


انضم إلى المنتدى ، فالأمر سريع وسهل

منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

منتديــــات الكاسنجــــــــــــــــــــــــــــــــــــــــــــر

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

للتواصل بين ابناء الكاسنجر بالداخل والخارج وكل الراغبين


3 مشترك

    شقيفى مرت عز الدين التشادى

    avatar
    ايمن محمد عثمان


    عدد المساهمات : 73
    نقاط : 112
    تاريخ التسجيل : 04/06/2010

    شقيفى مرت عز الدين التشادى Empty شقيفى مرت عز الدين التشادى

    مُساهمة  ايمن محمد عثمان الجمعة 18 يونيو 2010 - 9:11

    لربما تمر بالانسان مواقف تجعله يقف وقفات مع نفسه .دوام الحال من المحال الصحه لن تدوم الشباب يتبدل مهما شعرت بالعظمة والسلطان والمنصب ضل ضحى .والزكيرات زادنا وملازنا الأمن البنرجع نتزود منه .فما اجمل زكريات الكاسنجر وعهد الصبى .الفاضلاب ..........الفكياب .......مساخه........الورشلت ...........راس الساب .......ساقت الماحى ....نيمة ودالروم ........منقة حرم .كلها امكنه مازى بقية الامكنه لها دلالات ومعانى .الفاضلاب مديح العيد (الجالوبة)ههههههه اجار العجلات تخيل الناس تجى من السويقااااااااااات فايز كبوش ياجر العجلة من الكبرى للكبرى ب ريال وفايز اليوم ممكن يستاجر طياره .وياسين الماحى الموجه بمحلية كريمة وكانى اراه اليوم امامه جردل العصير الكبايه ب شلن يالله اين الفاضلاب الان .الفكياب وكانى بود حمد احمد يبييع فى الحبال وعبد العاطى يبرم غادى منو وعباس موس يبل فى حلفايت.والفاتح عبد الله سليمان رحمة الله يقوم ويقع عايز يسوق عجلة خال الدشى ونحن مابارن .والتند جم ابو عبيده خليفه ومصطفى ود الروم وانور محمد احمد يصفق ويحاكى ليهم لعب ناس زمان والزلال بت ود الرم تداعى وتناصف لانو المسيح لقط ليمونته مو كتير الا العمال جات ونزل اللمين ودعمر وعبد الوهاب ودعمر وود عبد الله وعمر عبد الله وصوت الماحى ابربع يشاقل فى ودحاج يالله .مساخة ......البقدر يشق العرق بقطع مساخه ويجيب راسى الحلفى ويحجز مكان فى الورشاااااااااات يا عادل موسى واول زول بيجيب راس حليفه كان عباس موسى وابراهيم اللمين بفتل سريع عشان يوم الاثنين يحصل الله جابوه والفطور عند محمد شريف 2 كونيه وواحد فول لاهم لاغم والواحد شايف نفس احسن زول صحى احسن زول ورااس الساب ناس عكود وود الكلس والحرم وابليس وشرف صهيب الروم وانعل ابو الما بنط مقلوبه ونحن وناس فاروق وشنكول وعبد الشيخ نتفرج يا الله .منقة حرم الكشتينه ...........السر الماحى ياسر محجوب خالد عبد الله عيسى هلب ود الوكيل شقيفى ....على ابعطى .....واشرف محمد عثمان الاقنط وعوض الصبور اب عيونى ........ولما ينتهى القيم والناس تتاخر الصبور قاعد وشايل جريتو ومن طرف ما بفرز كبير ولاصقير ويبدى من عوض ........طيب الشله بتم تكوين كيف ؟البقدريرفع قطعة درابه من جنينتنا يبارينا وعاد شوف السر الماحى وياسر محجوب والغلاط .....وديل كانو اقل ناس حجما لايستطيع رفعها لكن حنك بمشو ودى كل كان فى الكاسنجر بلد .د فتح الرحمن احمد الماحى بلد.د مامون عوض على الماحى وبلد.د امين حمزه وبلد وبلد وبلديالله......طيب درب الباشا بالليل قدام كل حلة مجموعه لها رواد الجفيراب عبد الفتاح التلودى الطمبور والزمبور الفكياب تحت ناس موسى طبعا عباس وعوض التومى الشرفه خالد عبد الله عيسى عوض شريفى حسن كركته اعمل حسابكم انا عندى الهوجه واللوجه دى حسن لما يكون مزاج رايق ....والرواد من برى سقيدى وعطيه يالله اياااااااااام طيب وين الناس دى الان يا زاهر ما ممكن تكون فى غرف بالاسامى دى .راس الساب ...منفة حرم.....نيمة ود الروم.......سبيل الصافى ....الفاضلاب..........الورشات الجفيراب ...........الشرفه على الاقل ترجعنا وتزكرنا

    وشكراوشكرا وشكرا ...
    زاهر سر الختم
    زاهر سر الختم


    عدد المساهمات : 638
    نقاط : 851
    تاريخ التسجيل : 26/04/2010

    شقيفى مرت عز الدين التشادى Empty رد: شقيفى مرت عز الدين التشادى

    مُساهمة  زاهر سر الختم السبت 19 يونيو 2010 - 12:04

    والله يا ايمن هذا الموضوع يخلي الواحد يزوزي جنبو ...
    وكلما قرءاته انتقلت الي هناك ... فلك التحية بحجم هذا الترحال الشجي

    ولك :
    يا ما شايلك فيني حايم
    لا الليالي المخملية
    لا العمارات السوامق
    لا تفاهات الحضارة
    لا الأسامي الاجنبية
    بتمحي من عيني ملامحك

    ومازلنا نحن الكاسنجراب كلما نزلنا البلد لازم نزور محمد شريف ....

    بس يا ايمن حرم كرتوها لام قطعت المنقة ....

    شكراً ووداً
    وسلام لا هكمي لا دكمي ....

    وشيل شيلتك مع أشرف
    عبدو الشيخ
    عبدو الشيخ


    عدد المساهمات : 380
    نقاط : 594
    تاريخ التسجيل : 25/05/2010
    العمر : 43

    شقيفى مرت عز الدين التشادى Empty رد: شقيفى مرت عز الدين التشادى

    مُساهمة  عبدو الشيخ الإثنين 21 يونيو 2010 - 4:06

    ( إنعل ابو الما بنط مقلوبه ) Embarassed Embarassed Embarassed Embarassed ...والله كأنى أسمعها الآن من شرف صهيب الروم وده كان فى راس الساب ...
    عهد جميل يمر على الناس ويخلف ورآءه كوم من الذكريات الجميله



    (الندواه واللهفه والشوق الجنون )
    زاهر سر الختم
    زاهر سر الختم


    عدد المساهمات : 638
    نقاط : 851
    تاريخ التسجيل : 26/04/2010

    شقيفى مرت عز الدين التشادى Empty رد: شقيفى مرت عز الدين التشادى

    مُساهمة  زاهر سر الختم الأربعاء 23 يونيو 2010 - 1:51

    يدفعني حنين مع صباحات الله الي هذا المرفئ ... فشكراً أخي أيمن علي هذه المساحة[/size]


    [img][ندعوك للتسجيل في المنتدى أو التعريف بنفسك لمعاينة هذا الرابط][/img]
    [size=18]
    مكان الحجر الكبير - مساخة


    [img][ندعوك للتسجيل في المنتدى أو التعريف بنفسك لمعاينة هذا الرابط][/img]

    بابور الشرفة

      الوقت/التاريخ الآن هو الخميس 28 مارس 2024 - 19:37