منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    عابــــــــــــــــــرات محمد أحمد الحبيب

    شاطر
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    عابــــــــــــــــــرات محمد أحمد الحبيب

    مُساهمة  زاهر سر الختم في الأحد 4 يوليو 2010 - 15:37

    يوم رقد الزعيم مستشفــى
    يغفــرلو الإله وإيّانا
    والله العظيم ياعابره
    ماعارف أمال عيّانه

    ليه مالى الرساله مظنه
    ماك عارفى الملامه إهانه ؟
    كان تستّنى لامن أجيكى
    بعدين قولى لَىْ زعلانه

    عابــره مع الجمال الضافى
    نفسك في الدلال شبعانه
    ما بتعـــرفى مهما يبقـــى
    إنك إنتى يوم غلطانه

    عابره عشان لقاك بى فرحه
    أحسب فى السنين نقصانا
    فرحه على حساب أيامى
    زى فـــرح أم لهيب بالـزانه

    لـــو كان كنت سامـع بيها
    بس لو ماقعدت عشانا
    جيْتى على الأقل ياعابره
    كانت فــرصه لى لُقيانا

    ذاكـــرك فى غُناى بالدغـرى
    ما زى البقولـــــو فلانه
    وعارف لــو دخلنا ضفورنا
    الناس بـــرضو ماخالانا

    السفـــر الوراهـو لقاكـــى
    مرغوب لو مع الهجّانه
    كيف الحال مع الفى ليلــو
    يصبح بكـــره فى السجّانه

    متقدِّم عجاجــو اللاوى
    طاوى الباديه بــى عربانا
    فــى أرضاً يباب يا عابره
    تحلــــم بالرعــود وديانا

    فى الأفق البعيد يا عابــره
    أشجار فى السراب غرقانه
    وصّلت الكآبه حدودا
    وألْبِل فــى الوهاد عطشانه

    تمــشى بعد مسافه تلاقــى
    عربان فى المحل شقيانه
    تحتار فــى هدوما الفوقا
    يابس بالعـــرق قيطانا

    الــــواحد تصيبو الحِميه
    والناس ما بتعيب أوطانا
    تسألو عن شتاهــو جوابو
    نحــن قدُر بردنا غُتانا

    مافــى نقاط غيار يا عابــره
    حتى ولا إسم شفخانه
    وإنتى عشان زياره بسيطه
    قالبى الدنيا بى أركانا


    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: عابــــــــــــــــــرات محمد أحمد الحبيب

    مُساهمة  زاهر سر الختم في الإثنين 5 يوليو 2010 - 0:47

    [center]عام ألفين
    الشاعر / محمد أحمد الحبيب


    ياعابرة عام ألفين راجيهو عام فوق عام
    لا إتجـددت لقيـا ولا إتحققـت أحـلام
    قلبي البلاكي يتيم ذارف دموعـو حزيـن
    صبرتو بالأحلام قُت ليهـو عـام ألفيـن
    حا نمشي لأمدرمان نسأل عيونـك ويـن
    خدرتو بالأمال ،،، لوليتو لامن نام
    في نومو يتعبَّـر يشهـق بـلا أسبـاب
    متبشتن المسكين الكـان قبيـل أربـاب
    لما الزمن كان زين ياعابرة كنـا قُـراب
    لا حالت الفرقة .... بيناتنا لا الأيام
    عايش معاكي سنين زي الفراش والضـو
    مليان نشاط وحماس مابيرجي قولة سو
    لما الفراق فرَّخ حلق غراب فـي الجـو
    يوماً سوادو عجيب ،،، بدل ضياهو ضلام
    أه يا أماني هواك جـارف كمـا الشـلال
    وقلبي الدوام مشتـاق متكبِّـد الأهـوال
    في يوم بداية ليل والقمـرة دابـا هـلال
    صـوت الهدِم في القيف قلع هدومو وعام
    بالله إتوكـل والتانـي حسـن الـظـن
    من عهدو مااتنصل أطريهو لـو أمكـن
    رغم إنو كان عارف كل المشـن ماجـن
    مشحون مني اشواق طاريك اماني دوام
    ياعابرة زي النيل بلقاكي كـل إشـراق
    وألقاكي نص الليل زي نجمة في الآفـاق
    في بلة المنديـل بـي دمعـة المشتـاق
    لامن تفيض وتسيل من قمة الالام
    قالوا الطمع مكروه إلا الطمع في الديـن
    خايف برايا أتوه طمعـان أقابلـك ويـن
    رغم الزمن مشبـوه لابـد متلاقين
    ايامنا لو طالن ما شالن الهدّام
    يا عابرة عام ألفين راجيهو عام فوق عام
    وكل السنين أمواج مندافعـي لـي قـدام
    وزولاً مـع التيـار مابتسعفـو الأقـدام
    لامن يلم يرتاح يا عابرة الف سـلام
    إنتي الملكتي زمان بي رقـة الإسلـوب
    أدمن هواك إدمان والليلة غالبـو يتـوب
    ياعابرة مهما كـان باكـر بنلقـي دروب
    نملا البوادي قصيد وقلب المدينة غرام



    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: عابــــــــــــــــــرات محمد أحمد الحبيب

    مُساهمة  عبدو الشيخ في الإثنين 5 يوليو 2010 - 4:14

    ذاكـــرك فى غُناى بالدغـرى
    ما زى البقولـــــو فلانه
    وعارف لــو دخلنا ضفورنا
    الناس بـــرضو ماخالانا

    اسمع يا عادل نحنا لم نفرر نفرر بالدغرررررررررررى وانا عارف ومتأكد وأجزم لو دخلنا ضفورنا يا زاهر ناس عادل ديل مابخلونا

      الوقت/التاريخ الآن هو الإثنين 20 نوفمبر 2017 - 16:20