منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    نفـــــــــــــــــــــــاااجات حسونه 7

    شاطر
    avatar
    النفـــاج

    عدد المساهمات : 51
    نقاط : 111
    تاريخ التسجيل : 05/06/2010

    نفـــــــــــــــــــــــاااجات حسونه 7

    مُساهمة  النفـــاج في الإثنين 5 يوليو 2010 - 5:44


    النفاج بعد اكل كم تمرات رجع وماشبع والله
    لكن حال الدنيـــــــــــــــــــــــــــــــــا
    وهاكم دي بعد الرجعة



    أحمد شوك قدَّل........ تِلْب التقيلي
    ماب تتكرفس...... يا عِرق النّجيلي
    رمّيت الرجال...... في قيد الحيلي
    ومن عين الخلوق.. فوقك ود بيلي
    سيد أم ديِّ ...سيد ساقتو الكبيري
    مبرْدِّح جامعو في وسْط الجزيري
    *****
    أحمد شوك قدل ..شدّولو الميمونه
    وكشحّوله الدِرع........ لاعن عيونه
    خدمة إيدو المحصنه مو مسكونه
    وبركة شيخ خُدُّر .......تبقالو شونه
    *****
    من قام نبْت........... لابس قميصو
    يرقّع ماب يقِد......لي زول حديسو
    تُمساح أتْبَره .....الحاجر دِمسيسو
    وبحر الدِّندِر .......المالِحقوا ميسو
    وكمان فشل ....القياييس البقيسو
    *****
    أحمد شوك قدل ......فوق المعاني
    وكيف أصبحت...... يا دُودْ الكواني
    مونة قلبي.......... نور عينيه تاني
    *****
    أحمد شوك قدل .........فوقك نبيّا
    للجود والكرم ..........إيدّك سخيه
    حُوض عشمي البَزيل فيهو العليّا
    *****
    زولاً .........................عالي شانو
    وشدّولو ............البينتق في عِنانو
    سيد قدحو المجرجر لي ضيفانو
    ونطوفه قَنًتِّي..... بالشِقّين فِشانو
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: نفـــــــــــــــــــــــاااجات حسونه 7

    مُساهمة  زاهر سر الختم في الإثنين 5 يوليو 2010 - 15:07

    النفاج ..
    كيف حالك واحوالك في هذه المدة الطويلة التي لم نراك فيها
    أما بعد ...
    والظاهر عليك لا قلم الطير كملتو

    انا استمتع جدا مع نفجات حسونة ... هذه النادرة العزبة ... وانت الكلام دا جبتو من وين ؟؟؟؟؟

    تسلم يالنفاج وأنا خايف تاخد ليك معانا أيام وتقول ماشي تمر الهبوب


    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته

      الوقت/التاريخ الآن هو الأربعاء 20 سبتمبر 2017 - 2:36