منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    حميد : الفجر

    شاطر
    avatar
    ابوعبيده خليفه

    عدد المساهمات : 21
    نقاط : 45
    تاريخ التسجيل : 09/06/2010

    حميد : الفجر

    مُساهمة  ابوعبيده خليفه في السبت 10 يوليو 2010 - 13:10

    Sad خوفي من تلحق رفيقك



    خوفي من تلحق رفيقك
    يا بريق نجم الحياري
    وانت لا نور طريقك
    لا شرق فجر السهاري
    من زمن يا صحوة طلعك
    غصة في حلقة الصحاري
    حتى شال النم فرعك
    دودى زي وهج البشارة
    قلنا يا سعد المواسم
    عودك المليان جسارة
    عودك الفجر المصادم
    بالبصيرات و البصارة
    يستحيل يرضخ يساوم
    مهما كان الريح حصارا
    يفضل النخل البقاوم
    في السقوط نخل الفقارى
    يا اندلاع صوت الغفاري
    في حلق دغش الغلابة
    لو خريفك تاني يطرح
    آه يا آخر سحابة
    لما يا شرف المواكب
    يبقي هم الناس امارة
    تندحر كل المناصب
    ينكسر كرسي الوزارة
    كنتوا وين . . وين انتو كنتوا
    لما الشوارع ما ثبت قداما مرتق
    نفض الصمت المسافة
    مدت الشوق المضارع
    للصباحات التجرتق
    كف شهيداً بق مارق
    من فرقة الظلمة فجراً
    تم بي دمو الشرافه
    وضم حضن الأرض عاشق
    كنتوا وين . . وين انتو كنتوا
    لما كان في سجنو ثائر
    بي جلابة السونكي نومتو
    ويصحي بي امر العساكر
    قومتو في الزنزانة يمحي
    و يفتح الاف الحناجر
    تجدب الاطفال ويكتب
    انبل الاشعار لباكر
    تشطب السجان وصوتو
    ويبقي فنانا البساسق
    كنتوا وين وين انتو كنت
    لما فضل الدين عباية تدبي
    فوق كتف الغنايا
    تنصب في الجو طوابق
    تنقلب في التو بنوكا
    للبداهن و البنافق و البوافق
    ولما كان نفس العباية
    تتمسخ بي قدره حبلا
    لي قصار عمر الكحايا
    من جنب تنسل سيفا
    لي قصار عمر الكحايا
    من جنب تنسل سيفا
    عبّر السواهو سارق
    شدة الفقر الخرافي
    حدة الشغل اللمافي
    رغم الاف المتاجر
    و الخوازيق و المرافق
    كنتوا وين . . وين انتو كنتو
    لما البيوت في الشمال قامت خنادق
    للكتابات البتنزل فوق ضهاريهم مطارق
    لما طلاب الحقيقة كانو بختارو المشانق
    و لما لسة الله بموت في الجنوب بين البنادق
    كنتوا وين وين انتو كنت
    آه يا وطني المستف في المطارات القصية
    اه يا كفني المنتف في مدرات القضية
    اه يا صمتي المكتف في العبارات الندية
    اه يا نفسي الملطف بالنهارات الصدية
    اه من رفع المصاحف بالرماح الاجنبية
    المعاطف ... أجنبية
    العواطف ... أجنبية
    الجلابيب ... أجنبية
    الدواليب ... أجنبية
    الدهاليز ... أجنبية
    السراير ... أجنبية
    المساير ... أجنبية
    صبة الكاس ... أجنبية
    ختة الراس ... أجنبية
    رشة الدلكة ... أجنبية
    رعشة الفركة ... أجنبية
    طفية النور ... أجنبية
    والخوازيق عربية .. عربية
    فضي نارك يا محار ب ولا هات البندقية
    غني عشقك يا صبية نحن قدامك مدارك
    غني للوطن المفارق
    عشت يا وطني المبرق بالندى ولون المشارق
    يا محرق .. يا مجرب
    عشت بشرف البنادق
    ويسقط العفن البتلب فوقنا من شرف الفنادق
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: حميد : الفجر

    مُساهمة  زاهر سر الختم في الأحد 11 يوليو 2010 - 14:39

    عندما يكون الكلام في حضرة حميد

    استمتاع لا غير

    شكراً يا دكتور علي هذا الاختيار


    اه يا صمتي المكتف في العبارات الندية

    كلام جميل يا ابو عبيدة


    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته

      الوقت/التاريخ الآن هو السبت 18 نوفمبر 2017 - 20:27