منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    أب شخيت

    شاطر
    avatar
    صلاح الحاج

    عدد المساهمات : 73
    نقاط : 137
    تاريخ التسجيل : 10/05/2010

    أب شخيت

    مُساهمة  صلاح الحاج في السبت 21 أغسطس 2010 - 7:05

    أب شخيت راميهو الدحيش
    فوق حرف جدول وطرف عيش
    ما بيقوم ..زححان وكربيش
    والكراع مليانه خربيش
    ومعتصم قال ليهو معليش
    قال:
    البلد دي حياتها دقيش
    كفاي شقاوة ويكفي تهميش
    مالي ومال سقيان الدحيش
    ومالي ومال شوالات وخيش
    ومالي ومال قريع وهبيش
    أبيعها نعجاتي والكبيش
    وجدادي ده المظعوط بلا ريش
    قومتي مادايرالا حريش
    ومافي زولن يسعلني ليش
    ولا تقولوا لي شقيش
    مابهمني لوم ونبيش
    في البلد تب ما بعيش
    لو أبقى عمده متل ود كنيش
    ألمو مالي قرش فوق قريش
    واشتري في شمبات حويش
    ونضمي في السيراميك وعميش
    واطه موكيت جوي كنديش
    وادي للشغاله بخشيش
    صيفي في الغردقة وأب عريش
    ركوبى تكسى وشعري رقيش
    ألبس البرمودا حشيش
    وأبقى واحد في الحناكيش
    avatar
    الصادق حسن خليفة

    عدد المساهمات : 33
    نقاط : 41
    تاريخ التسجيل : 03/07/2010
    الموقع : الخرطوم

    رد: أب شخيت

    مُساهمة  الصادق حسن خليفة في الأحد 22 أغسطس 2010 - 6:15

    ههههههههههههههههههههههههههههههههههههههه ؟؟؟؟؟؟؟؟؟
    والله يا سنكور ابشخيت دا الرمية دي حرقتو شديد خلاص
    حتي وصل مرحلة متقدمة من الخيالات
    شاف نفسو في شمبات والصيف الغردقة




    ( غايتو الراجل دا الدحيش عوقو تب )



      الوقت/التاريخ الآن هو الجمعة 20 أكتوبر 2017 - 9:22