منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    خلاص انا هبت رياحى

    شاطر
    avatar
    صلاح الحاج

    عدد المساهمات : 73
    نقاط : 137
    تاريخ التسجيل : 10/05/2010

    خلاص انا هبت رياحى

    مُساهمة  صلاح الحاج في السبت 21 أغسطس 2010 - 7:26

    للشاعر عبد الله محمد خير


    خلاس أنا هبت رياحي وصفالي زمان ارتياحي
    زاد لي سهري ونواحي القام بالتوفيق السياحي

    من عند الفاتح قيامو ختم ورقو واخد تمامو
    يا ربي تبارك ايامو وتعدل الخطوة قدامو

    سمح توقيتو الصباحي مريح سفرك كالسباحي
    منع غنايو النباحي وسمحلو الغزل الاباحي

    توكل وبالحاميه نشَّ دقايق في قبولي (القبولاب) خشَّ
    لقى الخلا ماخلدو رشَّة وكسح بالنور والمنشَّة

    سرح زي ظبي الضواحي السرح بين الوديان وواحي (واحة)
    كفاي يا نوح من نواحي وأزاي من عدة نواحي

    رزاز والنسام ربيعي تجمَّل وخليك طبيعي
    نكوس في الفرص الوسيعي سواقنا طوابنا الوسيعي

    يلقط يوت في النوادر يشيل ويودي البنادر
    مخيَّر عاد والله قادر هن ماهن شبه الدرادر

    نكتِّر لله الحَميدي الضهر حاضر في الحِميدي
    رحلات التوفيق سعيدي قربت للناس البعيدي
    يا الزباينك واسع نطاقا عشان تصلك بازلي طاقا
    بقى حجزك بالبطاقة في ترحيلات الصداقة
    السواقة وراثة ودراسة مو جربنديِّ وعواسة
    رزانة وحكمة وفراسة ودي ود ابزيد كان اساسا
    القيادة محكِّم نظاما ذوق وأدب واستقاما
    بقت في بوريك علامة بركة الجيت بالسلامة
    avatar
    الصادق حسن خليفة

    عدد المساهمات : 33
    نقاط : 41
    تاريخ التسجيل : 03/07/2010
    الموقع : الخرطوم

    رد

    مُساهمة  الصادق حسن خليفة في الأحد 22 أغسطس 2010 - 6:26

    [
    color=blue]يا ابو صلاح القصيدة دي فيها مقطع مافي
    الهو :
    تعاين في الكرسي واحد ********* تامن بي الله واحد
    تشوف الفي سماهو واحد ******** عيار عشرين فوقو واحد[/color
    ]

      الوقت/التاريخ الآن هو السبت 21 أكتوبر 2017 - 12:34