منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    عليك النبى يا زاهر شوف الكلام دى

    شاطر

    ايمن محمد عثمان

    عدد المساهمات : 73
    نقاط : 112
    تاريخ التسجيل : 04/06/2010

    عليك النبى يا زاهر شوف الكلام دى

    مُساهمة  ايمن محمد عثمان في السبت 18 سبتمبر 2010 - 8:24

    *
    مالو لو جرحوكا ما اصلك مجرح
    يا قليب الحاجى مالك قمت تنبح
    ما بتموت بى ضربه واحدى تقول مصفح
    قالى بدرى قتلتو تانى لقاك تفصح
    مرتين قتلوك على براك مدردح
    تانى جاب التالتى علها فيكا تنجح
    ما سمعت نصيحتى ساعة كنت بنصح
    انا باقى واعظ ليكا افتى براى و اشرح
    قولى ما صدقتو كت قايلنى بمزح
    لو رضيت بالقسمه تلقى الدايرو واسمح
    انا كنت دايرك تبقى بالايمان مسلح
    وترضى بى حكم الله هو المن غيرو اصلح
    لو هو صح حباك وليك فى قلبو مطرح
    كان عليك سداهو كيف لى غيرى يفتح
    السمح من يومو بالوفاء لو موشح
    عندى بى كل جيلو لو وزنوهو يرجح
    الجدى الوالفتو من يا دوبو سحسح
    يرعى وسط اماتو ما خلنو يسرح
    لو هو غافل وجمبو زول بالصدفه نحنح
    كان شهق بالهجمه لامن قلبو زحزح
    ترجى ساعة الهجمه يتهزا المدندح
    شان تشوف اللفته فى الجيد المب
    ’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’
    صراحة القلب مرات بينبح من غير سبب ولايقبل اى نصيحة ولا كلام الا بعد ودى متين لمن يهيم بجد ويسمو بعيييييييد بعيد ويصحى بعد فواد الاوان ذى ما قال بن البادية
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: عليك النبى يا زاهر شوف الكلام دى

    مُساهمة  زاهر سر الختم في السبت 18 سبتمبر 2010 - 15:27

    شكراً يا ايمن علي هذا الشجن ... والغريب أن مواسم الافراح دائما ما تحرك القلوب بلواعج الحنين والشجن والدموع احياناً .. ربما هي اماني لم تكتمل أو قوارب لم ترسي قبل تهيج الرياح وربما شجوناً كنت اكتمها
    ويظل فينا هذا النبض ..

    ( بس مافي قلب ينبح من غير أسباب ... سو الرحمن في قلبك واتحصن ونوم ... وباكرنا نيل )

    ولك وللجميع رائعة عبد الرحمن البركل علي هذا الرابط ... وتحياتي

    [ندعوك للتسجيل في المنتدى أو التعريف بنفسك لمعاينة هذا الرابط]


    _________________
    موقع الكاسنجر الجديد

    [ندعوك للتسجيل في المنتدى أو التعريف بنفسك لمعاينة هذا الرابط]



    سبحان الله وبحمده عدد خلقه ورضا نفسه وزنة عرشه ومداد كلماته

      الوقت/التاريخ الآن هو الثلاثاء 23 يناير 2018 - 16:48