منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا


انضم إلى المنتدى ، فالأمر سريع وسهل

منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

منتديــــات الكاسنجــــــــــــــــــــــــــــــــــــــــــــر

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

للتواصل بين ابناء الكاسنجر بالداخل والخارج وكل الراغبين


3 مشترك

    دريب العقبه وحجر التومات (ودالتومي3)

    النفـــاج
    النفـــاج


    عدد المساهمات : 51
    نقاط : 111
    تاريخ التسجيل : 05/06/2010

    دريب العقبه وحجر التومات (ودالتومي3) Empty دريب العقبه وحجر التومات (ودالتومي3)

    مُساهمة  النفـــاج الأربعاء 28 يوليو 2010 - 3:27

    قلت لك باكر بحكيلك ..لكن اتأخرت كتير.....................
    ماهو اهمال ولا نسيان ..! لكن مبهور ومعقود لسان.. من الشفتو..
    اول قبال نرسى ونصل القيف صوتك جانا.. ووقفنا كلنا واتلفتنا يمين وشمال نفتش فيك..؟ وكان محال نلقاك ..! لكن صوتك دلانا ((تحت الشجرهـ مرساكم)).
    وغيرنا مسارنا ومشينا على الشجرهـ ورسينا مراكبنا .
    وكنت أول من اندليت ومسكت المركب للملكهـ عشان تنزل ووراها الخوجات واحد.. واحد.
    ومشينا على الشجرهـ وقلنا انو الصوت الجانا من الشجرهـ صوتك ولا صوت الشجرهـ هو النادانا ونحنا المبهورين وبعضاً خايفين شفنا عصاية الملكهـ تأشر على اترن قديم فى الطين ((درب شخبيت وجرجير عصايه ))وقالت والله آياهو اترك المرن عليهو سنين وداكـ درب عصايتو وانا شفتو يومو الاندلا وهي كانت في ايدو ..وانا اقولها لكن ديل سنين يالملكهـ وكم فيضان وكم هدام وراهو.
    وهي تقول حنين البحر حنين ماب يمسح اتر العاشقين وكمان خاصة الغايبين .
    وبكت الملكهـ كتير وبكو كل الحاضرين وانبهروا الخواجات وقعدت اترجم شيتن قلتو وبعضن ما قدرتوا.
    وراحو يصوروا آتر شخبيتك ودرب عصاتك في الطين .....
    وكانت عاد الملكهـ فى اليوم داك إياها الملكهـ لي كل الحاضرين والفاتو والجايين وحتى البعاد من العين.
    وانا مبهور وشارد بال افكر فيك والتومات واربط بينكم والاتر الباين زي الكانو البارح .(آتر عصاتك دآ ولا عصاة غنوم )
    المكان ما بي عصايتو نقر
    يقولوا كبارنا
    كان في الصي
    محل جرة عصايتو عمر
    وفجأهـ انتبهت وصوت الملكهـ ..هنا نبني ضريح للعشاق
    ونفتح فيهو ابواب فى القبل الاربع ونخصص واحد.......
    .........شورتك هنا لابد باكر تصلنا ونعرف رايك بسراااااااااااع..........
    ولامن شورتك تصلنا بعدين نشور التومات وناخد راى كبار البلد حتن نتم الباقي..الشئ مصير وتاريخ اجيال برانا ماب نقدر نحكم فيهو...!.
    وقبال انسى .. عاينت لافوق لقيت منديلك ولونو لسع ما اتغير والغصن المعلق فيهو لليله اخضر ويبكي وحاة الله آعوض دموعو تنقط.. سبحان الله كم قشا دموع في الزمن الفات.. ودي دموعن مخزونا من الزمن الاول واللا ذكرناهو وماقدر اتصبر.
    وفجأهـ انتبهت لقيت كل الناس تعاين محل عيني تعاين....
    وهنا الملكهـ قالتلها كلام بحكيهو ليك بعدين.................
    رايك يصلنا سريع وكان جيتنا يبقى المنا واللا سكاتك يبقى......


    عدل سابقا من قبل النفـــاج في الأحد 1 أغسطس 2010 - 5:01 عدل 1 مرات
    زاهر سر الختم
    زاهر سر الختم


    عدد المساهمات : 638
    نقاط : 851
    تاريخ التسجيل : 26/04/2010

    دريب العقبه وحجر التومات (ودالتومي3) Empty رد: دريب العقبه وحجر التومات (ودالتومي3)

    مُساهمة  زاهر سر الختم الأحد 1 أغسطس 2010 - 2:09

    شكراً يالنفاج علي هذه المساحة الوفية

    وكنت في الأول أفهم هذا السرد هو استدعاء للاخ عوض التومي أو أمر بالقبض عليه متلبساً ( بغنوات ليك اتكرمن من سر بوحك )

    وماادري اين هو الان من هذا ... ولماذا هذا التخبي وهو مفضوح بروائع بيت امونة والتومات ... ومفضوح غرامك .. وبين احزاني وجية فرحك

    ولك وللجميع سأبدأ باذن الله دفتر الاستاذ عوض التومي

    وبالعودة الي هذا البوح اتمني الا يقاطعك بالسرد هنا الاخ عوض ... فهنا حكايات الف ليلة وليلة ... وما كانت شهرذاد لتحكي لو لم تجد متعة الاستماع

    لك تحياتي وودي ... وسلامات

    ويالنفاج الرسول ينفضك أنت منو ؟؟؟؟؟
    النفـــاج
    النفـــاج


    عدد المساهمات : 51
    نقاط : 111
    تاريخ التسجيل : 05/06/2010

    دريب العقبه وحجر التومات (ودالتومي3) Empty رد: دريب العقبه وحجر التومات (ودالتومي3)

    مُساهمة  النفـــاج الأحد 1 أغسطس 2010 - 4:38

    زاهر .....كتر خيرك
    .
    .
    .
    كنا نترقب عود الحبيب بلا انتظار
    حتي صرنا نبكي ونقبل الآثار
    فحتماً سنعتلي الجواد
    ونعلن للملاء إنا مللنا الانتظار
    انا قد طوينا الليل
    وطرحنا مكانه نهار
    سنلتقي بوحاً وسراً
    فلا يطفئ نار الشوق إلا النار
    .
    .
    ونلتقي.............!
    avatar
    Red ROSE


    عدد المساهمات : 3
    نقاط : 7
    تاريخ التسجيل : 27/07/2010

    دريب العقبه وحجر التومات (ودالتومي3) Empty رد: دريب العقبه وحجر التومات (ودالتومي3)

    مُساهمة  Red ROSE الأحد 1 أغسطس 2010 - 11:38

    شكرا كثيرا لهذه القرآت الادبيه الرائعه من دفاتر التومات وتتبع اثارهن .
    زاهر سر الختم
    زاهر سر الختم


    عدد المساهمات : 638
    نقاط : 851
    تاريخ التسجيل : 26/04/2010

    دريب العقبه وحجر التومات (ودالتومي3) Empty رد: دريب العقبه وحجر التومات (ودالتومي3)

    مُساهمة  زاهر سر الختم الأحد 1 أغسطس 2010 - 15:17

    شكراً ... النفاج

    وكتر خيرك علي هذا الاذن بالدخول عبر نفاج ود التومي الي بيت ‏أمونة والتومات ....‏

    ومن هذه الرائعة (( لا يطفئ الشوق الا النار )) ، وقبل حديث الملكة ‏أبدأ معك نية المقيل في بت أمونة والتومات ‏

    وأولاً :‏
    اجد عوض التومي ( المقامات محفوظة ) مزج جميل في استهلاليته ‏الرائعة للنص :‏
    * باسم الحاضر والبيناتنا ألف سلام لأمونة وشوق
    وهنا حضور للاستاذ / حميد عندما يكتب بحرقه وهم ونداء عالي ‏وتنبية للاستماع - وكلنا يعرف متداخلات حميد وعوض .‏

    ‏* سلاماً يملي الواطة آمان وشوقاً ليكِ غروب وشروق‏

    وهنا حضور الاستاذ / وراق المجزوب ، وحنين وراق ، ووراق الذي ‏لا يعرف درب الرجعة عندما تتملكه مسالك الذكريات .‏

    * سلاماً يملي ضراعك عافي يتم الناقصي وخير مطبوق‏
    ويبعدك عنك عين الحاسد وشر الساحق والممحوق

    وهنا شمولية شيخنا حاج الماحي ودعاءه عند أواخر المديح في رزمة ‏، ودقة طار دون الايقاعات المألوفه

    هذه البداية تجعل عوض التومي يستأذن هولاء بالدخول الي بيت أمونة ‏والتومات .‏
    وكما تأدب عوض باسلوب رائع في حضرة هولاء .. يجب علينا أن ‏أولاً أن نستأذنه بدخول الضريح ولكن كما قال الحبيب :‏
    ما كنت دافنك في ضريح لكن هلال فوق ميضئنه ‏

      الوقت/التاريخ الآن هو الخميس 28 مارس 2024 - 13:22