منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا


انضم إلى المنتدى ، فالأمر سريع وسهل

منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

منتديــــات الكاسنجــــــــــــــــــــــــــــــــــــــــــــر

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

للتواصل بين ابناء الكاسنجر بالداخل والخارج وكل الراغبين


4 مشترك

    ده كلام شنو

    عبدالله موسى الخليفة موسى
    عبدالله موسى الخليفة موسى


    عدد المساهمات : 15
    نقاط : 23
    تاريخ التسجيل : 06/06/2010
    العمر : 43
    الموقع : الخرطوم

    ده كلام شنو Empty ده كلام شنو

    مُساهمة  عبدالله موسى الخليفة موسى الثلاثاء 5 أكتوبر 2010 - 10:31

    تحية ود.
    سجلنا وشردنا لكن ما بخاطرنا
    االكاسنجارة ازيكم من الكوع للسويقات مرورا" بالصعادة والطرف دى ياها الكاسنجر ولا أنا غلطان.
    قرأت موضوع للأخ مرتضى (شوايقة يا رشول الله). كانت فى شوية ردود حقيقة ما بتشبهنا وهي مناكفات بين الأخ أمير الماحى والأخ معاوية عبدالحفيظ
    ما كان فى أى داعى ليها. نعم المناكفات مطلوبة وهى التى تحلى المنتدى لكن ما بالصورة دى.
    حليل مدرسة الكاسنجر الاءبتدائية. وحليل الجمعيات الأدبية..
    دايرين نشيد وطنى يعرف الكاسنجر وهاكم بيت:
    النيل والضفة الشرقية Like a Star @ heaven Like a Star @ heaven Like a Star @ heaven قرية الكاسنجر القومية
    ودام التواصل.............
    mawia abdelhfee
    mawia abdelhfee


    عدد المساهمات : 75
    نقاط : 98
    تاريخ التسجيل : 24/05/2010

    ده كلام شنو Empty رد للعقدابي

    مُساهمة  mawia abdelhfee الخميس 7 أكتوبر 2010 - 5:48

    hg الاخ العقدابي
    السلام عليكم
    شاكرين للملاحظاتك
    لكن دفاعا عن منكفتي كما تسميها هي دعوة ودفاعا عن قومية الكاسنجر التي ذابت عن قريب واظن بعد عام تسعة وتمانيت
    دعوتي للناس من الجفورة حتي ودلول جوار الحمداب انت من وين انا من الكاسنجر من غير اي تفاصيل وشرف كبير لية اي زول
    انا من الكاسنجر
    وبذكر زمان نحن صغار في الجزيرة اتماري بعد جدنا شيخ سيداحمد كبر شوية وبقت حركتو شوية تعبانة قالوا يختارو شيخ جديد
    وكان الاجتماع في الجزيرة اتماري حضرو جميع اهل الكاسنجر وبالتحديد من الكوع حتي السويقات كلهم وجو اختارو شيخالكاسنجر الجديدبالاجماع
    الشيخ ابراهيم سيداحمد
    وانا بدعو لقومية الكاسنجرا
    وانتو تذكرو كويس لما يكون فريق (الشعلة الكاسنجر )لاعب في كريمة كل الناس تحت راية الكاسنجر وبتظافر هذة الجهود فاز فريق الكاسنجر بكاس دورة تنشيطية فاز فية علي الجبل اعتا اندية دوري كريمة
    هذة هي غايتي اخوتي الكرام
    وهذة هي غيرتي علي كاسنجر الشيخ حاج الماحي الامي الذي يعلم في السيرة والفقة ما يعجز عنة اعتي العلماء ولم يعرف احد حتي الان من اين تلاقي حاج الماحي تعليمة ومن هو مدرسة وشيخة (فاهلة كاسنجر) كما يقول
    تحياتي
    عبدالله موسى الخليفة موسى
    عبدالله موسى الخليفة موسى


    عدد المساهمات : 15
    نقاط : 23
    تاريخ التسجيل : 06/06/2010
    العمر : 43
    الموقع : الخرطوم

    ده كلام شنو Empty رد: ده كلام شنو

    مُساهمة  عبدالله موسى الخليفة موسى الخميس 7 أكتوبر 2010 - 7:20

    شكرا" عالمرور وده المطلوب مع تحياتى
    mawia abdelhfee
    mawia abdelhfee


    عدد المساهمات : 75
    نقاط : 98
    تاريخ التسجيل : 24/05/2010

    ده كلام شنو Empty رد

    مُساهمة  mawia abdelhfee السبت 9 أكتوبر 2010 - 3:36

    j تحياتي للعقداب كلهم
    نسابتنا الجداد نحنا النجومة.
    الاخ سيف الدين علي عقيد نتمنا لهم حياة زوجية سعيدة وربنا يوفقم
    ودي واحدة من قومية الكاسنجر الناس من بعض
    تحياتي

    عبدو الشيخ
    عبدو الشيخ


    عدد المساهمات : 380
    نقاط : 594
    تاريخ التسجيل : 25/05/2010
    العمر : 43

    ده كلام شنو Empty رد: ده كلام شنو

    مُساهمة  عبدو الشيخ الأحد 10 أكتوبر 2010 - 6:05

    قومية الكاسنجر أصبحت موجوده فقط فى قلوب المثقفاتيه والمتعلمين فالتقسيم أضر كثيراً بوحدة الكاسنجر وأظن فى
    الوقت الراهن يجب ان نحافظ عليها بالكتابه والإلحاح الفرضى على إجتماعاتنا ولماتنا .
    فإلتفاف الكل حول القضيه يضعف من هواة الانفصالين إذا جاز التعبير .
    أمير الماحي البقاري
    أمير الماحي البقاري


    عدد المساهمات : 18
    نقاط : 22
    تاريخ التسجيل : 29/07/2010

    ده كلام شنو Empty سلامات

    مُساهمة  أمير الماحي البقاري الخميس 14 أكتوبر 2010 - 6:49

    الأخوة الأحباب
    سلامات للجميع
    قبل ما الواحد يرد ممكن الناس ترد على الموضوع المفتوح في نفس المكان
    طششتو عيونا!
    طبعاً بي كترة المواضيع المفتوحة.

    وللجميع العقدابي الماعارفنو؟ هو ذاتو منو؟
    يا أخوان الأفضل أنو الناس تساهم بي إسمها نحنا هنا ما في سودانيز أونلاين ولا موقع عام
    نحنا في موقع خاص جداً وخاص بي قرية ناسها معروفين ويتحسبوا باليدين.
    فالأفضل الناس تشارك بي أسمها حتى بي اللقب يعني (أمير الماحي البقاري) المابعرفني بيها بيعرف البقاري .
    ولا شنو؟
    بالنسبة للمناكفة لو ما في مناكفة ما في جو ولا لذة للمنتدى ولا زم نتناكف ونحن في الأساس أهل قبل ما نكون أصدقاء والأخ عبده الحمد لله
    عرفتو في الموقع ولو ما كان في مناكفة كنت لسع أفتش في الناس وفي المعرفة.
    والأخ عبده له كل الود والتحيات وأصبحت المناكفة موضوع صداقة.
    وده كان عجبك!! ولا شنو؟
    عبدالله موسى الخليفة موسى
    عبدالله موسى الخليفة موسى


    عدد المساهمات : 15
    نقاط : 23
    تاريخ التسجيل : 06/06/2010
    العمر : 43
    الموقع : الخرطوم

    ده كلام شنو Empty رد: ده كلام شنو

    مُساهمة  عبدالله موسى الخليفة موسى الإثنين 18 أكتوبر 2010 - 6:45

    ودالماحى كيف حالك شكرا" على الرد . وأشكرك على الملاحظة . بس داير اقول لك لو قرأت أول رسالة حتعرف عقدابى ده يطلع منو. سجلت باللقب عشان ساهل وسريع فى الكتابة ليس الا.
    فأنا عبدالله موسى , كنت شغال معاكم فى دانفوديو فى عمارة الاوقاف لكن ماحصل لى الشرف بمقابلتك. عموما" ده رقمى ويكون لى عظيم الشرف لو اتصلت على للسلام (0126417097)-(0912573229).
    ودمتم
    أمير الماحي البقاري
    أمير الماحي البقاري


    عدد المساهمات : 18
    نقاط : 22
    تاريخ التسجيل : 29/07/2010

    ده كلام شنو Empty خالص التحيات والأشواق

    مُساهمة  أمير الماحي البقاري الثلاثاء 19 أكتوبر 2010 - 4:21

    العزيز عبد الله موسى الخليفة موسى


    خالص التحيات والأشواق

    وبرضوا أفضل بي أسمك كامل.

    والتحيات ليك ولجميع العقدة ولكل السويقات والكاسنجر

    وجاي عليكم غالباً بكرة على الأوقاف
    .
    عبدالله موسى الخليفة موسى
    عبدالله موسى الخليفة موسى


    عدد المساهمات : 15
    نقاط : 23
    تاريخ التسجيل : 06/06/2010
    العمر : 43
    الموقع : الخرطوم

    ده كلام شنو Empty رد: ده كلام شنو

    مُساهمة  عبدالله موسى الخليفة موسى الثلاثاء 19 أكتوبر 2010 - 11:10

    يامعاوية قبل النسب انت نسيت النصورة ولا شنو اسال عن علاقة النصورة بالعقدة وارجع لى
    عبدو الشيخ
    عبدو الشيخ


    عدد المساهمات : 380
    نقاط : 594
    تاريخ التسجيل : 25/05/2010
    العمر : 43

    ده كلام شنو Empty رد: ده كلام شنو

    مُساهمة  عبدو الشيخ الأربعاء 1 ديسمبر 2010 - 8:58


    ستظل الكاسنجر موحده من السويقات وحتى الكوع لان رابط الدم والنسب والاهل سينتصر لا محال الكل له اهل بالسويقات ببحرى بالصعاده بالكوع
    فلذلك السيد الكاسنجر بقول ليكم :
    إنهضوا من ثباتكم لتعلون من شأنى فإخوتى نورى والقرير بيضحكوا على

      الوقت/التاريخ الآن هو الخميس 28 مارس 2024 - 21:04