النمّة العتيقة (2)

شكراً استاذي الفاضل / احمد المجذوب علي هذا البوست الرائع من اشعار النمة والدوبيت ... وهذه الافتتاحية بالرائع حسونه وأسال الله أن يفك أسر ديوانه الذي ننتظره

وانا من المعجبين جداً بفن الدوبيت والمسدار



الشاعر احمد عوض الكريم ابو سن :

الشم خوخت وبردن ليالي الحرة
والبراق برق من منة جاب القرة
شوف عيني الصقير بجناحو كفت الفرة
تلقاها ام خدود اليلة مرقت برة

ومن اقواله:

الزول السمح فات الكبار والقدرو
كان شافوهو ناس عبدالله كانو يعذرو
السبب الحماني العيد هناك احضرو
درديق الشبيكي البنتو فوق سدرو


الصادق ود امنة:
لحظ ابصارو حتى اللحظة لي بصّاها
فرّا فواطرو تمرة فؤادي كع قصّاها
قدر ما اقول يطول الون علي أنساها
مجلوقةً تقبّض في البدن داساها



الشاعر ود دقمة :

البُن البطقطِق وحرَّق القـــــاليهو
خلى مزاجي راحل بي جمــيع ما ليهو
مشتول القُـــريرات النتر خوليــهو
خدَّر وطرفي شايفو وروحي علقت فيهو