منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    موية الزير

    شاطر
    avatar
    مرتضى خليفة

    عدد المساهمات : 175
    نقاط : 289
    تاريخ التسجيل : 11/05/2010

    موية الزير

    مُساهمة  مرتضى خليفة في الخميس 3 يونيو 2010 - 9:03

    موية الزير.....


    هو يقطُن أقصي البلدة بالقُرب من المدارس.........
    وهي منزلهم أول البلدة ... قُبالة ميدان الكورة.........
    فسُبل اللقاءُ عناء......
    بعد كل يومين يرتاد شارعهم مساءاً....علي أمل النظرة الصدفة...ومع ذلك لم تُصادفه الصدفة.........
    ينتظرُقليلاً كأنه مشاهد متابع لتمرين كرة القدم ...ويسترق النظر لباب منزلهم... ثم يُغادر مكسوراً وحزيناً..........
    في إحدي الأمسيات لاحظ ان لاعبي الكرة بين شوطيها يُهرولون لبيت من يهوى ليشربون الماء....لتعويض ما إستنزفوه.......
    فأتته الفِكرة الجنونية...!
    - وجدتُها....الكورة....لا بُد أن أتمرّن معهم من الغد ...!
    - ولكني لا أُجيدها ولا أحبها....أُففففففف ...فيناجيه طرفه الآخر المُحب والمتفائل ...لا ...أنت تعرف كرة القدم وكل شي يُمكن ان يتحبّ .......
    في صباح اليوم التالي إشترى شورت وفانلة وحذاء رياضي .... والفرحة تكادُ أن تشرقه وتُودي بحياته..............مساء بكرة ماتسرع...
    وكان المساء.......
    بداء يلعب معهم علي قدرِ ما أُوتِي ....وإن كان يجري أكثر مما يلعب ....يتذكرُها فيجري كثيراً ويلهث...يجري ويلهث عن قصد حتي يشرب أكثر ويتأخر بين شوطيها وتكون فرصة لقائِه لها أكبر ....يجري ......يجري .....حتي إنتهي الشوط الأول ...
    بداء بالركض نحو دارها.....فإذا بالمشرف علي الفريق وعلى غير العادة ،يجمعهم ويقول : كويسين يا شباب ....أنا شايف بذل وجُهد وأداء جميل ...عشان كِدة حضّرنا ليكم حافظة عصير برتقال طازج وبارد عشان تعوِضو وتحافظو علي لياقتكم البدنية ...وح تكون ثابتة يومياً بين الشوطين حتي بداية دورة العيد الحِبية......
    بصرخة متحسرة وعالية ومفاجئة صاح صاحبنا : لا يا كوتش .....صدقني اللياقة في موية الزير..........

    غيم

    عدد المساهمات : 55
    نقاط : 64
    تاريخ التسجيل : 25/05/2010
    الموقع : بلاد الله الواسعه

    رد: موية الزير

    مُساهمة  غيم في السبت 5 يونيو 2010 - 6:36


    موية زير وخيال محبوبة

    وقدر عنيد!!

    ما أقسى الدنيا يامرتضى وهي تجيد إيقاف

    حوائط سد قدام الاحلام البسيطة

    *****
    أدين

    وأشجب
    وأدين مرة تانية وجود الحفاظة في الميدان
    و

    اللياقة في موية الزير



    مرتضى إزيك




    [b]
    avatar
    خالد خليفه

    عدد المساهمات : 48
    نقاط : 76
    تاريخ التسجيل : 24/05/2010
    العمر : 50
    الموقع : المؤسسه التعاونيه الوطنبه/قسم الانتاج الحيوانى

    رد: موية الزير

    مُساهمة  خالد خليفه في السبت 5 يونيو 2010 - 8:09

    الاخ الكريم مرتضى لابد من تكوين لجنه قوميه من اجل حماية موية الزير من الافكار الهدامه مثل قكرة الحفاظه وطبعا يا مرتضى موية الزير دى كانت ساتره ناس كتار وايضا لها الفضل على ناس كتار ولذلك لابد من تشكيل اللجنه لحماية الحقوق المكتسبه
    avatar
    مرتضى خليفة

    عدد المساهمات : 175
    نقاط : 289
    تاريخ التسجيل : 11/05/2010

    رد: موية الزير

    مُساهمة  مرتضى خليفة في الأحد 6 يونيو 2010 - 2:33

    خلاص نشكل لجنة قومية لحماية موية الزير وأنا أرشح جنابو خالد رئيسآ وغيم مقررآ والباب مفتوح وأفتكر فى ناس كتار يازاهر دايرلهم موية زير
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: موية الزير

    مُساهمة  عبدو الشيخ في الأحد 6 يونيو 2010 - 3:01

    موية الزير وشراب صنقير ولعب دفير..
    شكرا مرتضي شكرا للزير شكرا لعطش الكوره ..وموضوعك نفسه عايز لياقه ...
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: موية الزير

    مُساهمة  زاهر سر الختم في الأحد 6 يونيو 2010 - 16:16

    الاخ / مرتضي

    شكراً ... والموضوع جميل قراءته عدة مرات
    وجنابو خالد عندو حق ... ويا مرتضي اول زيرين للاخ العريس صلاح الحاج ... ويا غيم الزيرين ديل امانة من ناس عبدو الشيخ .. حتي نمنع فال العزوبية عن سبيل المنتدي
    تحياتي مرتضي ... وسلامات


    _________________
    موقع الكاسنجر الجديد

    [ندعوك للتسجيل في المنتدى أو التعريف بنفسك لمعاينة هذا الرابط]



    سبحان الله وبحمده عدد خلقه ورضا نفسه وزنة عرشه ومداد كلماته

    غيم

    عدد المساهمات : 55
    نقاط : 64
    تاريخ التسجيل : 25/05/2010
    الموقع : بلاد الله الواسعه

    رد: موية الزير

    مُساهمة  غيم في الإثنين 7 يونيو 2010 - 6:10



    بصفتي مقررا للجنة

    يتم قبول الزيرين يازاهر

    ياحليل زمن الزير ليهو شنة ورنة

    أكثر ما أذكره زمان كلما تصيبني الملاريا اللعينة

    أكثر الأحلام حينها أنني أستسيق طعم موية الزير دون حموضة

    في حلقي

    وزير ناس عم طيفور جيرانا أكثر ما يداعب خيالي وقتها حين عطش... وملاريا
    [b]

    نصر الدين

    عدد المساهمات : 9
    نقاط : 11
    تاريخ التسجيل : 08/05/2010

    رد: موية الزير

    مُساهمة  نصر الدين في الإثنين 7 يونيو 2010 - 10:17

    أولا أحى الاخ مرتضى على هذه الخواطر وأتمنا أن تتواصل.. حقيقه شوقتا للبلد لانى أكتر حاجه الواحد بجبها موية الزير والشراب بالايدين من موية الجدول

    نصر الدين

    عدد المساهمات : 9
    نقاط : 11
    تاريخ التسجيل : 08/05/2010

    رد: موية الزير

    مُساهمة  نصر الدين في الإثنين 7 يونيو 2010 - 10:23

    الأخ. زاهر أحسن حاجه عملتها أنك الزيرين ديل بعتهم من عبدوالشيخ لانو الزول ده يقوم يزعلو زول يكسر علينا الازيار .. أنتا طبعا عارف السبب
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: موية الزير

    مُساهمة  عبدو الشيخ في الأربعاء 30 يونيو 2010 - 4:20



    شفت الشفت ده كيف يا مرتضى ...
    والله حاجه تبقر عديييييييييييل كده
    avatar
    مرتضى خليفة

    عدد المساهمات : 175
    نقاط : 289
    تاريخ التسجيل : 11/05/2010

    رد: موية الزير

    مُساهمة  مرتضى خليفة في الأربعاء 30 يونيو 2010 - 7:23

    الصورة دى ياعبدو شكلها كدى من التمتام وللا القبولاب أيام النيسانات واللوارى وأبام ناس نقد وبخيت ريحان ،،، سفركان ممتع وجميل رغم معاناتو ،،، ودى مناسبة نحى فيها عبد الهادى نقد وبخيت ريحان وللحقيقة أفضالهم على كل ناس الكاسنجركثيرة وهم من علموا الناس السفر والتحية طبعآ من قبلهم للكبوشاب ،،، أنا طلعت من موضوع الصورة ، شفت الصور دى ياعبدو بتعمل فى الناس شنو
    avatar
    خالد خليفه

    عدد المساهمات : 48
    نقاط : 76
    تاريخ التسجيل : 24/05/2010
    العمر : 50
    الموقع : المؤسسه التعاونيه الوطنبه/قسم الانتاج الحيوانى

    رد: موية الزير

    مُساهمة  خالد خليفه في الأربعاء 30 يونيو 2010 - 14:51

    الله ينصر دينك يا عبدو على هذه الصوره الرائعه. شفت الذول ده يشرب ويعاين وين ماقلنا اللياقه فى موية الزير

    غيم

    عدد المساهمات : 55
    نقاط : 64
    تاريخ التسجيل : 25/05/2010
    الموقع : بلاد الله الواسعه

    رد: موية الزير

    مُساهمة  غيم في الثلاثاء 6 يوليو 2010 - 3:31


    موية زير



    وكوز استيل كبير فيهو حبة موية

    وخمسة بلحات!!

    تأكلهن على مهل.... تكشح الموية وتكركع زين من الزير

    تبتسم في رضا

    وتتوسد يدك في ذاك العنقريب

    وياحبذا لو كان العنقريب قصااااد حبوبتك!!!

    تبقى احلى ونسة واحلى عيشة


    avatar
    مرتضى خليفة

    عدد المساهمات : 175
    نقاط : 289
    تاريخ التسجيل : 11/05/2010

    رد: موية الزير

    مُساهمة  مرتضى خليفة في الأربعاء 7 يوليو 2010 - 8:34

    [color=green]k]]موية زير لكن ماكوز استيل ،، قرعة ، واظنك ياغيم ماجربتى الشراب بالقرعة ،،
    ووين أنت ليك مدة مشكلة غياب انشاءالله عوافى[/b][/color
    ]

      الوقت/التاريخ الآن هو الثلاثاء 21 نوفمبر 2017 - 12:54