منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    مدن عينيك

    شاطر
    avatar
    عابرة

    عدد المساهمات : 13
    نقاط : 17
    تاريخ التسجيل : 23/05/2010

    مدن عينيك

    مُساهمة  عابرة في الأربعاء 23 يونيو 2010 - 12:28

    مدن عينيك
    الشاعر : عبد القادر الكتيابي




    لمحتك .. قلت بر أمن
    بديت احلم ..
    الملم قدرتي الباقية ..
    واشد ساعد علي المجداف
    تلوح لي .. مدن عينيك
    وترفع لي ..منارة بسمتك سارية
    وبديت احلم ..
    كل ما الريح تطارد الموج
    ازيد اصرار .. واحلف بيك
    اغير سكة التيار..
    واقول .. يا انتي .. يا أغرق
    الوح لي مدن عينيك
    تلوح لي ..
    اخاف الضفة ترجع بيك
    قبل الحق ..
    اخاف .. غيم المني الشايل
    تسوقو الريح ويتفرق
    اخاف .. واخاف .. اخاف
    واخـــــــــــاف

    واشد ساعد علي المجداف
    واجيك بي قدرتي الباقية
    حطام انسان ..
    موسم بي شقا الدنيا
    ومقسم قلبو في الاحزان
    اجيك فنـــــان ..
    أشد اوتاري واحكيلك
    حكاية انسان ..
    وهب لي سكتك نفسو
    ورسم صورتك علي حسو
    وربط ساعد علي المجداف
    وقــال .. يا أنتي ، يا اغرق
    أخاف .. أخاف .. وأخاف
    والاقيك يا اماني سراب
    مواهبي عليهو تدفق
    وأخاف ..
    أخاف .. وأخــــاف..
    avatar
    سهام السر

    عدد المساهمات : 83
    نقاط : 125
    تاريخ التسجيل : 15/05/2010

    رد

    مُساهمة  سهام السر في الخميس 24 يونيو 2010 - 14:19

    اختيارك حلللللو يا عابره
    بس ما تخافى زى ماقال الكتيابى
    خليك عااااااااااااااااابره علي طول

      الوقت/التاريخ الآن هو الثلاثاء 19 سبتمبر 2017 - 17:46