منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    نداء للاخ ايمن

    شاطر
    avatar
    مرتضى خليفة

    عدد المساهمات : 175
    نقاط : 289
    تاريخ التسجيل : 11/05/2010

    نداء للاخ ايمن

    مُساهمة  مرتضى خليفة في الجمعة 25 يونيو 2010 - 9:12

    لاحظت من خلال تصفحى الراتب لهذا المنتدى ان قسم المجادعات الشعرية لا زال دون مشاركات وبما ان شعر الاخوانيات او شعرالمجادعات يعتبر من اعذب الشعر خاصة والكاسنجر حبلى بهذا الفن الدرامى الراقى فاننى ادعو الاخوة الاعضاء لابراز هذا الابداع الجميل وبما ان الشى بالشى يذكر فاننى اعرف ان هناك مجادعات شعرية جميلة بين الاخوين أيمن محمد عثمان وصلاح شنكور ومن هنا نطلب ونناشد الاخ ايمن بابراز هذا الجزء الجميل فى هذه الصفحة ،،،، طبعآ شنكور الايام دى مشغول بالعرس عشان كدى الدعوة للاخ ايمن ونحن فى انتظار اولى هذه القصائد

    ايمن محمد عثمان

    عدد المساهمات : 73
    نقاط : 112
    تاريخ التسجيل : 04/06/2010

    رد: نداء للاخ ايمن

    مُساهمة  ايمن محمد عثمان في السبت 26 يونيو 2010 - 1:55

    هههههههههههه الأخ مرتضى صيحح كانت فى بعض الأشياء زى كدى ،،،،،،،،،،لكن عقدت صفقة بتاعة صلح بينى والأخ شنكورلكن لابأس من أكتب ليكم حاجة قديمة شوية ايام شنكور موظفاً بالسد وأخبارو أتقطعت تماما ورسلت لية هذه الكلمات واتصل على وقال يريد يسمعها منى مباشرتاًوبعد اسمعتها إيها بكى وحلف أن لايهجينى مرة أخره.

    طولنا منك ياصلاح وينو حنك
    كنا دايما فى خيالك يبقى هسى نسيتنا اطنك
    الهموم والدرادرزايدى لكن ماأطن تشقلنا عنك
    وانت مهما تغيب وتنسى البينا اكبر من مظنك
    ،،،،،،،،،،،،،،،،،،،،،،،،،،،،،،،،،،،
    مالو حالك ماه مشكور جانى خبرك
    البيوت والعرس فى بعادك جننك
    القروش اصيلا ماكتير والطلب قالو زانكنك
    والمناصير عند الباب من تصبح قعدو راجنك
    ،،،،،،،،،،،،،،،،،،،،،،،،،،،،،،،،،،،،،،
    كل اليجينا على الصعيد سألنو منك
    ناس بقولو ليهم حول ماهم شايفنك
    وناس تطمناويذيد شقونا عليك يالمشتهنك
    والشوق والتحايا الطيبة ماكان بوصلنك
    ،،،،،،،،،،،،،،،،،،،،،،،،،،،،،،،،،،،،،،
    اسرح وشوف عرسك قدامى بين الخلوق زافنك
    وسعاد تقالد فى الضيوف وانت باسم بضه سنك
    والوشاحات فيك تلصف والحراير فى يمينك
    شله شله يجوك يباركو وانت واقف هاز يمينك
    ،،،،،،،،،،،،،،،،،،،،،،،،،،،،،،،،،،،،،،،،
    صلاح اخوى ابشر وحاتك انت نحن ونحن زاتك
    مهما تبعد او تغيب ما بنغيب عن حياتك
    انت ما معروفه اصلاتك ومافى داعى نقول شهامتك
    يكفى دايما سابقه رايتك فى العزاز معروف مكانتك
    ،،،،،،،،،،،،،،،،،،،،،،،،،،،،،،،،،،،،،،،،،،،،،،،
    مع خالص ودى




    عاطف احمد خليفة

    عدد المساهمات : 31
    نقاط : 65
    تاريخ التسجيل : 22/06/2010

    الى الاخ الكاشف

    مُساهمة  عاطف احمد خليفة في السبت 26 يونيو 2010 - 7:34

    عندك الكثير والرائع مع شنكور ارجوا مدنا بالجميل ان شاء الله تكون حركت شنكور لكن شنكور الايام دى مشغول بالاسعار وليس الاشعار .الله يكون فى عونه

      الوقت/التاريخ الآن هو الأحد 24 سبتمبر 2017 - 21:51