منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    دريب العقبه وحجر التومات (ودالتومي)

    شاطر

    النفـــاج

    عدد المساهمات : 51
    نقاط : 111
    تاريخ التسجيل : 05/06/2010

    دريب العقبه وحجر التومات (ودالتومي)

    مُساهمة  النفـــاج في الخميس 8 يوليو 2010 - 1:39

    بعد الشمس غابت اتذكرت ود التومي....................
    ساقنى خطاي والدنيا مغارب والليل بدأ يدخل .
    قمت مشيت دريب العقبه ((كان مرتع هوى السمحات..وكان مقنع حديثاً فات)) ولقيتو اياهو ذاتو آعوض ما أتغير لكن بعد اتقدمت شويه سمعت صوت بكاء . قربت منو وانا مليان خوف. ولمان صبح بيني وبين صوت البكاء مسافة قريبه .
    شفت كم رايات لونه ابيض مغزوزه جم حجر التومات . وقربت شديد لقيت التومات يبكن قعدتا وشلتا نفسى حتن سألتهن البكاهن............................؟




    قالن وقالن قالن ماقايلات

    انك ممكن تنسى الفات

    بيت امونه وحجر التومات

    دريب العقبه وكم رايــات

    لسع واقفــــــــــــــــــات

    ونستك ليهن

    وضحكاتن هن بي عينيهن

    قول آعوض غنيلن كم غنوات

    ...

    قشن دمعاتن وقالن يمكن يرجع..

    يكفينا نسمع صوتك وما نلقاك

    يكفيــــــــنا غنــــــــــــــــــــاكـ

    في الفاتن والجايات

    وفجأهـ سكتن وجات نسمه وحركت الرايات وضحكن وضحكنا كتير واذكرنا كم غنوه من غنواتك كانن حافظاتنها قالنها وانا زي الكأني سمعتها اول مره. وغنينا كتير وفرحنا واتذكرنا كتير الفات لكن الريات ماخلتنا حريكن زاد ومافي هواء وزي الكأنها ما رضتنا، رضخنالن وقمنا مشينا واتواعدنا باكر نتلاقى جم الحجر بس نبعد شويه من الرايات..ما حدثتك لقينا اترك لسع باين وكم حصاي لميتا زمان... وبحكيلك تاني الحاصل. بعد نتلاقى وباكر قريب للحي آعوض.
    ((ملحوظة:- قالولك سلم على ناس البندر واحد واحد وماتجهد نفسك بس قدر التقدر.
    قبال انسى لمينالنا كم مركب والمراكب اتعدمت وحدثنالنا كم رواسي ومعاني الخواجي واتواعدنا .............
    والقلتو دآ ماهو منام حقيقه ومحكيه من احد رواد دريب العقبه))

    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: دريب العقبه وحجر التومات (ودالتومي)

    مُساهمة  زاهر سر الختم في الخميس 8 يوليو 2010 - 16:20

    تشكر يالنفاج وانت تحي فينا هذا الهمس وذكري التومات والحله عموم ... وكنت أتوقع مداخلة الاخ / عوض التومي ليشاركك هذه البكائية علي زمن الافراح الورية ولكن عنما توقفت عند الرايات تذكرت أن عوض يجتهد الآن في رفع راية ( بت الزين ) وما بين عيونك والوصول عرفت خطاي معني العناء ... فله تحياتي أينما حل وننثر علي دربه الأخضر أريج د. سيداحمد سراج ... وحات اللوعة والآهات يا مشوار ماتقصر

    شكراً النفاج ...
    والله أيام يا زمان
    ما بقول العشنا كان
    وأرمي حبة لومي فيك


    بس أنت يالنفاج كدي وصف لينا الحجر دا


    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته

    Abu el-Gasim

    عدد المساهمات : 43
    نقاط : 65
    تاريخ التسجيل : 19/05/2010

    رد: دريب العقبه وحجر التومات (ودالتومي)

    مُساهمة  Abu el-Gasim في الجمعة 9 يوليو 2010 - 8:48

    الاخ الكريم النفاااااااااااج لك التحيه
    انا أتابع مساهماتك فى هذا المنتدى الرائع وحقيقه أنت رائع وكتاباتك جميله ولكن كتابتك فى عمى عوض التومى اجله شويه وهو فى ترتيب اوراقه يادوب ماتجيب ليه المشاكل ونحن دايرنو وراجنو يجينا فى المنتدي وانا خايف مانلم فيهو تانى

    غيم

    عدد المساهمات : 55
    نقاط : 64
    تاريخ التسجيل : 25/05/2010
    الموقع : بلاد الله الواسعه

    رد: دريب العقبه وحجر التومات (ودالتومي)

    مُساهمة  غيم في السبت 10 يوليو 2010 - 4:21



    هنالك أناس (وامامكن) اذا غابو عن العين التفت القلب يناديهم

    (غادة السمان)
    كم جميل ان تنادينا اشياءنا التي نحب
    وكم جميل أن ننادي من نحب بما نحب منه
    أن عود اشياءك تناديك ...

    هذا ما فهمته من اسلوب النداء المبطن يانفاج

    تحياتي
    واحترامي

    النفـــاج

    عدد المساهمات : 51
    نقاط : 111
    تاريخ التسجيل : 05/06/2010

    رد: دريب العقبه وحجر التومات (ودالتومي)

    مُساهمة  النفـــاج في الإثنين 12 يوليو 2010 - 4:01

    شكرا غيم ...شكرا زاهر
    ساظل اهمس واحيانا اندهـــ
    كانت البلد زمان
    وودالتومي فيها تعرف حديث النجوم
    كتير دليناهن وونسناهن وضحكن معانا مره وزعلن مننا مره
    وتاني نرجعن... ودايما دآ كان شرطهن عشان مايتفقدن
    دحين اسع في زول يعرف حديث النجوم....؟
    ليـــه تسيبن نجمه تمشن
    ليـــه يانجيمات التريه
    واللا برضو الفي سماكن
    زي حكايتي انا والبنيه
    .
    .
    .
    .
    .
    ........يابنات نعش المصــــــــــــــــــ
    ...........................

      الوقت/التاريخ الآن هو الإثنين 20 فبراير 2017 - 21:39