منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    صوت قمرتين فوق كروكتين الشوق قيساب نورق متين

    شاطر

    ايمن محمد عثمان

    عدد المساهمات : 73
    نقاط : 112
    تاريخ التسجيل : 04/06/2010

    صوت قمرتين فوق كروكتين الشوق قيساب نورق متين

    مُساهمة  ايمن محمد عثمان في الأربعاء 15 سبتمبر 2010 - 5:53

    انها لفرحة تستحق التهنئة اذا النا س تفرح بقدوم العيد وصوم رمضان .فالكاسنجر هذا العام لها ثلاث فراحات صوم رمضان وقودم العيد المبارك وانشاء موقع التواصل على هذه الشبكة العنكبوتية.فباى ابداء تهنئتى للاعضاء ؟ بالجميع اهنئكم تقبل الله الصوم وعيد سعيد ومابرك عليكم ومنتدى ناجح انشاء الله. من لم يعيد فى الكاسنجر بين اهلها ويعتقد الناس انه قد عيد فى بلاد الغربة فقد اخطأوا .تزاحم الناس عبر البصات والعربات الخاصة الى الكاسنجر .فسمت الارواح والازهان قبلكم الى تلك الداير فصلى الاستاذ احمد المجذوب فى خور الصلاة قبالة العاشق العملاق خور العباضيل وصلى الفتاح خليفة وهو مصفد القدمين فى مدينة رسول الله(ص) بين احبابة واهلة فى الكاسنجر وعنى ابوجوهر لخطبة ود الشيخ ود محمد فى قبة حاج الماحى .وكثيرين هم وصلو الكاسنجر منذ الصباح الباكر وطافوها حيا حيا وبيتا بيتا .نعم أنه التعلق والحب لارض الكاسنجر.حينما اصبحت فى اول يوم من ايام العيد وكانى مترجل الى ساقة الماحى وكان امامى حسون يهرول وخلفه الماحى ود ابسوار يتوكء على عصاته السلمية ومتلفح غبانته البيضاء وما ان وصلت الفكياب وجد ت اللمين ودعمر وعبد الوهاب اخوه نازلين من ذالك المان العالى وود الرم يقفل فى دكانو والدقونى يمسح فى نظارتو بطرف جلابيت ووقفنا قدام نيمة ودالرم وتصافحنا وسيرنا سويا الى القبة وقبل ما اجلس شفته السر شديره وعوض خدره ووراهم خليفة الماحى جاين على الصلاة تردته عشان اقيف اسلم لكن ود الشيخ وقف للخطبة قلت بعد الصلاة اسلم على الناس وكان جمبى باليمين الوليد الماحى وشمالى عبد الفتاح التلودى لابس نظارتو السوداء ينهر فى الاولاد بقول ليهم اسكتو ما تتكلمو .وراى عا ينته فى صف حريم لمحته الرتينه وعمرابيه وفرحين .المهم الخطبة كانت عجيبة وود الشيخ بقى حنين شديد اخدلو بكيه بكى الناس كلهم مسكين فقد امو وكمان اخوه الماحى شوية عيان لكن الماحى جبل صبر .وكتير من الناس الحزن فى وشيهم فقدوا اهاليهم خليفة الماحى وحسن زكية وولاد محمد لكن قنالم كلهم على الله مو كتار اسالو الرحمة والمغفره ليهم انشاء الله. واول مره محمد ود الماحى ما يجى الصلاة شويه عيان كل الناس مشو عليه حزنانين ياه اخر ركن فى البلد فضل .بعد دى الناس صابره لاكلت لاملت فى طيبته وحنيته الزايده وفلان مالو ماجا اعال ماه عيان كنا دايرن يكون معانا .وسرح بعيد بعد كلامن دى واتزكرت كلام قديم لحاتم حسن الدابى الظروف اقوى من السيوف تقطع الامال تبتره بجد لو لا ظروف الناس ما استطاعت الكاسنجر استقبال ابنائها وبناتها لكن الظرف نعم الظروف .وبعد دى رجعنا ولفينا على الاهل واكلنا الجرم وحلاوة دردم والخبيز وحصلنا الفطور فى الشرفه واتفقنا نمشى على القليعات والطرف العصر باقى اصحابنا واهلنا فيها كتاااار شديد لامن امشى عليهم بجى احكيلكم لما اجى راجع وفى بالى بكى السر شديره بكى كتير فى الخطبة داير الاقى زول اسال مالو يبكى ياسلام لكن بجد كلنا بكينا والله كل الناس بكو بس كتموه فى قلوبم يالله.............

    فاطمة احمد المجذوب

    عدد المساهمات : 11
    نقاط : 18
    تاريخ التسجيل : 17/06/2010

    رد: صوت قمرتين فوق كروكتين الشوق قيساب نورق متين

    مُساهمة  فاطمة احمد المجذوب في الأربعاء 15 سبتمبر 2010 - 11:16

    كل سنة وانت طيبين ربنا يحقق الامانى وينعاد علينا عليكم بى الخير واليمن والبكات العيد الجاى ملمومين كلنا فى بلد الريد والمحنة بلدنا الحبيبة الـــــــــــــــــــــــــــــــــــــــــكــــــــــــــــــــاســـــــــــــــــــــــــــــــنــــــــــــــــــــــــــــجــــــــــــــــــــــــــــــــــــــــــــــــــــــــــر
    كلماتك فى غاية الروعة الجمال وانا اقرى فى كلامك سرحت واتذكرتا اخر يوم لى رمضان حاج موسى يقول:
    ودعناك يا رمضان شهر التوبة والغفران
    رمضان فاتت ايامو ندمانين لى ما صامو

    ما عارفة بس كل ما اتذكر الكلمات دى اتذكر حاج ام الحسين الله يرحمة هى تبكى بجد كلمات مؤثر نحس شى كبير راح نبكى على بكاء حاج موسى وام الحسين ما بقالى زول يسمع الكلمات دى ما يبكى لكن برضو فرحنين عشان العيد والعيد طعم اخر فى الكاسنجر يوم العيد فى ساقت الماحى بجد احلى اجمل يوم .
    العيد فرحة كبير تبداة من حاج مسيتيرة طبعا دى اول زول تجى تبارك لينا العيد فى البيت قبل الوطا ما تشرق تسمعا من بعيد عيدكن مبارك يا بنيات احمد الميدوب(المجذوب) بقول عيد ما جات حاج مسيتيرة واحمد عبد الله عيدو علينا ما بقالى يتحسب عيد.
    ما اجمل صلاة العيد قدام القبة والناس تتوافد على القبة لى تصلى لابسين الجلاليب والطواقى والعمم والمركيب تشوف التسامح والبهجة والابتسامة فى وجهم يالله منظر رهيب وبعد الصلى تلقى الناس تتقالد وتبارك العيد لى بعض بجد فقدنها.
    احلى واجمل حاجة مديح العيد صورة فى عينى تتراى مشاهد حلوة وعظيمى تشيل من نفسى الماسي وباقي الزكري الاليمى بعيد عنك يا بلدنا مصادر الغربة الليئمى معاي فى البال ما بتغيبي واجيب فى سيرتنا ديمي
    تقبل مرورى
    مع تحيات بت الكاسنجر


    عدل سابقا من قبل فاطمة احمد المجذوب في الأربعاء 15 سبتمبر 2010 - 16:13 عدل 1 مرات

    ايمن محمد عثمان

    عدد المساهمات : 73
    نقاط : 112
    تاريخ التسجيل : 04/06/2010

    رد: صوت قمرتين فوق كروكتين الشوق قيساب نورق متين

    مُساهمة  ايمن محمد عثمان في الأربعاء 15 سبتمبر 2010 - 13:20

    اختى الصغيرة فاطمة احمد المجذوب بنت المادح بن المادح بن المادح زريتةً بعضها من بعض علم ودراية وبركاااااااااااات للنهاية اللهم اصلح حالنا وحال كل المسلمين .كل سنة وانتى والاسره الكريمة بالف خير وربنا يحقق امانيك وشكرا على مرورك الرائع ثم تعقيبك البليغ .هكذا هى الكاسنجر ام الجميع وام الخير
    avatar
    خالد خليفه

    عدد المساهمات : 48
    نقاط : 76
    تاريخ التسجيل : 24/05/2010
    العمر : 50
    الموقع : المؤسسه التعاونيه الوطنبه/قسم الانتاج الحيوانى

    رد: صوت قمرتين فوق كروكتين الشوق قيساب نورق متين

    مُساهمة  خالد خليفه في الجمعة 17 سبتمبر 2010 - 15:57

    الاخ الكريم ايمن كل سنه وانت طيب وجذاك الله كل خير على هذه النقله الطيبه التى نقلتنا اليها بكل حواسنا ويبدو اننا موعودون وبدون مجامله بوريث جديد عوضا عن المرحوم الطيب صالح

    ايمن محمد عثمان

    عدد المساهمات : 73
    نقاط : 112
    تاريخ التسجيل : 04/06/2010

    رد: صوت قمرتين فوق كروكتين الشوق قيساب نورق متين

    مُساهمة  ايمن محمد عثمان في الجمعة 17 سبتمبر 2010 - 16:06

    يالله يا سعادة الدكتور خالد خليفة محمد الحاج على هذه الاشادة وبلاش هى محل التقدير واكيد سوف تزيدنى تواصل وتالق إن كان هنالك تالق من قبل
    وشكرا جزيلاِ
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: صوت قمرتين فوق كروكتين الشوق قيساب نورق متين

    مُساهمة  زاهر سر الختم في السبت 18 سبتمبر 2010 - 2:38

    الله يا ايمن علي هذه التهنئة المنقولة عبر اثير القلوب من مكان الطيبة مباشرةً ومن مسرح القبة بياضاً ناصعاً ورشة عطر روحي وسلامات وكلمتين ( تعودوا الايام ، والعيد مبارك علينا وعليكم يتبارك ) أجمل من كل تهاني العالم بمختلف لغاتهم - وخطبة ود الشيخ ( وانا صليت في معظم مساجد العاصمة واخري لم أجد أفضل من خطبة والشيخ وتلك لحظة أخري عن صعوده المنبر ، أو وقوفه أمام المصلين في العيد والعصا السلمية أم فرقتين ) متعه الله بالصحة والعافي

    شكري وخالص تقديري

    نار البعد والغربة
    شوق لأهلي والصحبة
    شوق لكل جميل في الحي
    شوق للشينة لو صعبة

    بين اليقظة والأحلام
    بين اجفان تقول للنام
    أريت النوم يزورني اليوم
    أنوم لو ليلة في كل عام


    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 36

    رد: صوت قمرتين فوق كروكتين الشوق قيساب نورق متين

    مُساهمة  عبدو الشيخ في الإثنين 20 سبتمبر 2010 - 7:43

    حالتكم تحنن يا ايمن وخالد وزاهر وفاطمه
    ******
    العيد بالبلد كما صورت وشرحت فابدعت فى التصوير حصل معى فى البلد فقط إختلاف السرد المكانى فبعد خطبة الحاج الحسين بخور العباديل ومنها الى الصعاده ... وليس فقط ندمان الما صام رمضان فندمان ايضاً الذى لم يحضر العيد بالبلد

      الوقت/التاريخ الآن هو الجمعة 21 يوليو 2017 - 17:40