منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    وصية أم سودانية لبنتها قبل الزواج

    شاطر
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    وصية أم سودانية لبنتها قبل الزواج

    مُساهمة  عبدو الشيخ في الأربعاء 1 ديسمبر 2010 - 5:32


    كما تابعتم وتابعنا واستمتعنا حقيقة من قبل بالبوست الذى كتبه ود نقيرى بخصوص رد ( بنيتى حسابه ) ومرقنا منه نحن معشر العزابه بأشياء مفيده وكانت غامده ومعقده وفكينها طلاسمها ...
    المهم الآن انا بصدد وصية ام لبنتها بشكل يلبش الزول والله , الحاجه العايز اعرفها ويعرفها كثيرمن العزابه على رأسنا طبعاً المايسترو زاهر هى هل وصية الام أدناه تنطبق ولو بسيييييييط على الأيامى ؟؟
    السؤال مطروح للمتزوجين والعزابه يعملوا نائمين

    وصية ام لبنتها قبل الزواج :-



    يا بت هوي فتحي عينك و ابقي نجيضة وفالحة.....
    قدر ما اجي داخله عليكم القاكي .... هي هي هي .... و قر قر قر ..... تضحكي مع عبد الله دا....

    الراجل ما تضحكيلو كتير..... يسعالني الله يحقر بك....الراجل اديهو

    العين الحمرا. وان قدرتي لعند ايدك تلحقيها ليهو لحقيها...ابقي نجيضة.....آآية..... زي امك.....الله بسعلني وقت ابوكي يقول حاجة

    تضحك.... امشي اتحشر في الاوضة واضحك زين واجي مارقة صارة وشي.... وبعدين اوعك واوعك وبعدين تااااني اوعك... تقوليلو الجلابية دي سمحة والله العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي....واكربيهو بالطلبات.... اوعي تخلي لك قرش يبيت في جيبو...واوعك تخليهو يشوف.... بيخربن الرجال.... وقت المسلسل داك.... شفتي جيبي فندكك...واقعدي دقي أي حاجة جنبو ويا ريت لوكانت شطة... والله كان عندك شافع بيرضع وجيعان وبيبكي خليهو في بكاءهو داك لمن المسلسل ينتهي....

    وبعدين ما يجى داخل يلقاكى تغنى حتى ان بقيتي دايرة تغني.... اوعك من الغنا الخايس ناس حبيبي حبيبي.... امسكي في الغنا الحار...... زي البيجري نسيبتو و مرتو طلقانة......والله اندب حظي ام امالي...... والله

    دفاعنا الشعبي ياهو ديل.....والله النار ولعت بقلبي بطفيها.....اااااااااااي.... عشان تربيلو الزلعة .....والخلعة....بس اوعك تغني لو الليلة يوم الرجال.... بيقوم يصدق و يتحنفش فوقك ساكت........ واوعك تشكريلو حاجةجابها.... ان جاب لك لحم.... ختي ايدك فوق راسك...وقولي لو وب علي وب علي وب علي....غشوك وادوك الجلافيط.....وان جاب لك فتيل ريحة...اول ما تفتحيهو... وتشميهو.... طوالي كشري وقبلي غادي وابزغي..... وقوليلو دا شنو يا عبدالله؟......الريحةالمتل ريحةالفسيخ دي جايبها من وين؟......غايتو انت مغستك تقد.......

    وان جنك نسوان والله بنات....ما تخليهو يقعد وسطن....ويتونس.... طيريهو من البيت....وان ابى يمرق... قدرمايقولو نكته والله يخفف دمو قدامن صري ليهو وشيك.... وقوليلو انت يا عبد الله ما عندك غير النكتة دي؟ يا خي عملت لنا بها وجع... وش......اصلهم الرجال عارفاهم... الواحد فيهم من يشوفلو لمت بنات يقعد يخفف في دمو ويعمل فيها ودنفاش.....وتلقيهو يضحك بلا سبب... حتى ان واحدة قحت ساكت ... يقعد يضحك ويصفق اديهو....واوعك تخليهو معاهن وتدخلي المطبخ تسوي لك شربات .....وحات الله بنات الزمن دا ان غفلت من راجلك دقيقة بس تلقيها عرستو
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: وصية أم سودانية لبنتها قبل الزواج

    مُساهمة  زاهر سر الختم في الأربعاء 1 ديسمبر 2010 - 14:02

    الاخ عبدو الشيخ :
    بالرجوع للبوست السابق ( رد بنيتي حسابك ) والذي طلعنا منه نحن العزابة باشياء زادتنا بعدا عن عالم الجماعة الـ ..... ، وقد طلع أخونا ودنقيري بره الشبكة وبره المنتدي ... انت عارف ليه ؟؟ الجماعة قرؤوا الموضوع .. وأنا ما بفسر وانت ما تقصر

    نرجع لهذه الوصية والتي ربما تتحمل وحدك أكرر وحدك ما لا تطيقه( وما تقولي ماسترو والا .. )


    * امشي اتحشر في الاوضة واضحك زين واجي مارقة صارة وشي
    هذه الوصية يا عبدو ترفع للاخ مرتضي (اسرار النساء .. واحمل ما قيل في المرأة ) .. ثم الحسين عدﻻن وياسر محمد الحسن ومحمد مدني .. وتاني في زول

    * جنابو خالد : جهز الصينية


    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: وصية أم سودانية لبنتها قبل الزواج

    مُساهمة  عبدو الشيخ في الخميس 2 ديسمبر 2010 - 4:43

    على العموم نقول عووووووووووووووووك يا جماعه
    اين انتم ؟؟
    فالسكوت هو دليل إثبات
    avatar
    مرتضى خليفة

    عدد المساهمات : 175
    نقاط : 289
    تاريخ التسجيل : 11/05/2010

    رد: وصية أم سودانية لبنتها قبل الزواج

    مُساهمة  مرتضى خليفة في الخميس 2 ديسمبر 2010 - 8:08

    ]b]وبعدين ما يجى داخل يلقاكى تغنى حتى ان بقيتي دايرة تغني.... اوعك من الغنا الخايس ناس حبيبي حبيبي.... امسكي في الغنا الحار...... زي البيجري نسيبتو و مرتو طلقانة......والله اندب حظي ام امالي...... والله
    دفاعنا الشعبي ياهو ديل
    والله عبده الشيخ دى ماوصية دا حرييش عديل كدة وان كان بنات الزمن دا جاهزات بدون حريش .. ويازاهر اشمعنا اخترت حسين عدلان وياسر ومحمد مدنى ... قوول انت بأااااااه[/b]
    avatar
    رحاب كمبال

    عدد المساهمات : 50
    نقاط : 84
    تاريخ التسجيل : 09/06/2010

    رد: وصية أم سودانية لبنتها قبل الزواج

    مُساهمة  رحاب كمبال في الخميس 2 ديسمبر 2010 - 10:07



    السلام عليكم معشر الرجال
    بالامس فى قناة قوون كان فى برنامج اسمو كلمه ونص
    استضاف الدكتوره حرم شداد
    وقالت : الرجل السودانى غير قادر على تحمل المسؤليه نهائى


    وتحدثت واتخيل لى مقدم البرنامج شبه اقتنع و كمان رسلت رسائل مختلفه حسب طلب مقدم البرنامج لفئات مختلفه من النساء
    انا شخصيا الكلام ما عجبنى
    وتمنيت لو كان فى مداخلات فى البرنامج كنت اتصلت ورديت عليها .
    انا ما حضرت البرنامج من البدايه كان قرب ينتهى
    .
    المهم رايكم شنو ؟؟
    avatar
    مرتضى خليفة

    عدد المساهمات : 175
    نقاط : 289
    تاريخ التسجيل : 11/05/2010

    رد: وصية أم سودانية لبنتها قبل الزواج

    مُساهمة  مرتضى خليفة في الأحد 5 ديسمبر 2010 - 9:19

    رحاب تحياتى حرم شداد بالتأكيد تعبر نفسها يكون شداد زول مامسؤول
    avatar
    عبدو الشيخ

    عدد المساهمات : 380
    نقاط : 594
    تاريخ التسجيل : 25/05/2010
    العمر : 37

    رد: وصية أم سودانية لبنتها قبل الزواج

    مُساهمة  عبدو الشيخ في الأحد 5 ديسمبر 2010 - 9:44

    شكرا للذين مروا من هنا :-
    الاخ مرتضى بنات الزمن الواحده جايه محرشه من بطن امها والغريب لا تجد إختلاف من واحده لاخرى متفقات جميعهن . وربنا يقدرنا على ردعهن وصدهن والتدبيل بهن .
    الاخت رحاب بما ان الموضوع بقناة قوون لم يستهويك إذن الرجال مسؤلين تماماً الدور والباقى على النسوان قالت شنو تضحكى ليهو فى الاوضه وتجى راجعه ده كلام يا رحاب بالله عليك .
    الاخ زاهر شيل شيلتك وزى ما قال ليك مرتضى اووول إنت باااااه

      الوقت/التاريخ الآن هو الخميس 14 ديسمبر 2017 - 14:02