منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

للتواصل بين ابناء الكاسنجر بالداخل والخارج وكل الراغبين


    كلمات ومصطلحات قديمة غير متداولة

    شاطر
    avatar
    مرتضى خليفة

    عدد المساهمات : 175
    نقاط : 289
    تاريخ التسجيل : 11/05/2010

    كلمات ومصطلحات قديمة غير متداولة

    مُساهمة  مرتضى خليفة في الإثنين 31 مايو 2010 - 7:31

    سِنِغْ : كلمة تعني احتاج إلى الشيء، وسَنْغَان : محتاج
    زي ما قال الحردلو: تلاتة أهلة ما انْسنغ البليب للشد
    يعني إن قلت لي زول أنا سنغان فيك: يعني عندي أمل أن تقضي لي حاجة ... وانسنغ إلى كذا: احتاج إلى كذا.
    عتنيبة: هي برش قدر العنقريب أو السرير، ملون بألوان خضراء أو زرقاء، لكن اللون الغالب لون أحمر، زمان بيعملوها للمرا الوالدة، وهي أساسية في بيت العريس... وليها أغراض خاصة جداً ...
    القَـدُّوم : هو حاجة كدي زي الطورية لكن صغيّر، يستخدم في نجارة العناقريب، ويستخدم برضو في قلع البصل...
    النز : هو الثرى ...
    المسحة: طورية عريضة تستخدم في الزراعة ... تختلف عن الطورية الأصلية في أنها تستخدم في المناطق الرملية البيحتاجو فيها لزحزحة الرمال حتى تصل للنز...
    السبلوقة: تستخدم في أسقف المنازل لتصريف مياه الأمطار إلى الأرض...
    كَادَنَ: المكادنة هي تقليب التربة للزراعة ، أو بغرض الوصول إلى الثرى تمهيداً لغرس البذور.
    المجوِّز: شنطة حديد بعملوها من صفيحين يلحموهن مع بعض، يعملوا ليهن غطاء بي طبلة ودايماً بختوا فيها الخبيز أو الودك أو الحاجات البتتخزن...
    المسالفة: هي عملية الصلح بين ناس وتقريب وجهات نظرهم... ودايماً بتكون بين حرامية وأصحاب حق يتم فيها إرجاع الحق إلى أهله بعد تنازلهم عن جزء بسيط منه والمال تلتو ولا كتلتو...
    النون المسبوقة بضمة: زي عملُن ، لعبُن، دي ما نون النسوة وأنا أصر أن تكتب بالطريقة دي لأنو عمَلُن : معناها عملهم مثل : دا عَمَلُن: هذا عملهم، لجمع المذكر، أما لجمع المؤنث بنقول : عملِنْ بكسر اللام.
    الجزلان : هو جيب مستطيل صغير بعملوهو من جلد البقر ويختص بحمله الرجال دون النساء، إلا ما ندر..
    المحفضة: ودي تنطق بالطريقة دي، لأنو في ناس بقولو المحفظة، ودي ما المقصود بها المحفظة الاستثمارية رغم إنو مهمتها حفظ القروش، وهي حاجة كدي زي الجزلان لكن تختلف في أنها بعلقنها النسوان في رقبتِن بي خيط أحمر... ومربعة وما بشيلوها الرجال مطلقاً.
    __________________
    ينجيكَ .. يشفيكْ .. ويعافيكْ .. شعبك يا وطني من الجاتْ
    وانا ضهري مجرحة اياديك ... والدّفّة في كف الشمات
    لكن لا بدّ أعدّيك .. ها البحر اللاوي ضلاماتْ
    لابد خطاي تلاقيك ،،،،،،،، محمد الحسن سالم
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: كلمات ومصطلحات قديمة غير متداولة

    مُساهمة  زاهر سر الختم في الإثنين 31 مايو 2010 - 14:31

    الأخ / مرتضي
    سلامات

    أول حاجة من وين جبت هذه المصطلحات ؟؟؟

    وفعلاً غير متداولة وكادت تختفي ... ومنك نستفيد

    ونحن في المنتدي سنغانين فيك

    أما مصطلح ( المسالفة ) ما أظنها عندنا مصطلح ومعني

    * والعتنيبة أهديها الي صلاح عريس المنتدي واللون الأحمر يسبغه عبده الشيخ

    لك التحية والود


    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته
    avatar
    مرتضى خليفة

    عدد المساهمات : 175
    نقاط : 289
    تاريخ التسجيل : 11/05/2010

    رد: كلمات ومصطلحات قديمة غير متداولة

    مُساهمة  مرتضى خليفة في الثلاثاء 1 يونيو 2010 - 9:55

    يازاهر العامية المحلية مليانة بالمصطلحات الزى دى والتى فى طريقها للاندثار مع جيل ناس تامر حسنى المسالفة موجودة لكن استعمالا عندنا ماكتير ، يقوليك فلان ماعندو سالفة، والجملة تتقبل معانى كتيرة ،، ودمت
    avatar
    صلاح الحاج

    عدد المساهمات : 73
    نقاط : 137
    تاريخ التسجيل : 10/05/2010

    رد: كلمات ومصطلحات قديمة غير متداولة

    مُساهمة  صلاح الحاج في الأربعاء 2 يونيو 2010 - 2:15

    شكرا زاهر هديتك وصلت(عتنيبة) لكن بس عندى طلب خلوها بالون الازرق
    (العديل انشاء الله فالك) لك التحيه
    avatar
    Admin
    Admin

    عدد المساهمات : 51
    نقاط : 96
    تاريخ التسجيل : 26/04/2010
    العمر : 39
    الموقع : امدرمان-امبده-ح27-منزل 327

    رد: كلمات ومصطلحات قديمة غير متداولة

    مُساهمة  Admin في الأربعاء 2 يونيو 2010 - 4:47

    يا سلام موضوع ميه ميه ...
    وياريت يا مرتضى الخط يكون كبير وواضح ..
    اما إنت يا زاهر سليط لسان المنتدى وشنكور عريس المنتدى انا ما سنغالكم ..(ههههههههههههه)
    avatar
    مرتضى خليفة

    عدد المساهمات : 175
    نقاط : 289
    تاريخ التسجيل : 11/05/2010

    رد: كلمات ومصطلحات قديمة غير متداولة

    مُساهمة  مرتضى خليفة في الأربعاء 2 يونيو 2010 - 10:15

    اى زول داير ليه عتنيبة مع شنكور يسجل اسمو لانو العتنيبات المعانا شوية
    avatar
    زاهر سر الختم

    عدد المساهمات : 638
    نقاط : 851
    تاريخ التسجيل : 26/04/2010

    رد: كلمات ومصطلحات قديمة غير متداولة

    مُساهمة  زاهر سر الختم في الأربعاء 2 يونيو 2010 - 10:27

    أنا متأكد أنو في ناس سنغانين فينا خالص خالص ... يا ( admin أو عبدو الشيخ ) وأسه يا صلاح دا شنو ... الواحد ينكر أسمو .. أظن هذه الحالة أصعب من المصران .. ودي حركات زول عايز (عتنيبة ) لكن أمكانياتك لا تؤهلك لذلك - حسب تقرير الاخ مرتضي - ومعليش العتنيبة الجايه

    ودي .. وسلامات


    _________________
    موقع الكاسنجر الجديد

    http://www.alkassinger.com/



    سبحان الله وبحمده عدد خلقه ورضا نفسه وزنة عرشه ومداد كلماته

      الوقت/التاريخ الآن هو الأربعاء 15 أغسطس 2018 - 11:33