الإخوه الكرام/السلام عليكم و رحمة الله و بركاته
هذه القصيده هي واحده من قصائد الأستاذ الشاعر القدير وراق المجذوب حاج الماحي، كيف لا و جده حاج الماحي الذي عظَم الجزيره إتماري في معظم مدائحه، وها هو حفيده يفعل نفس الشي لكن بشي من الحسره علي ذهاب بيوت تلك الجزيره العظيمه في فيضان عام 1988 وكان فيضان مدمِر لكل الكاسنجر كما واضح في هذه القصيده المأساويه.
الناس جَسَرت و تعبت تعب شديد في حماية إتماري (وفضلها محفوظ كما قال وراق) لكن قدّر الله أن ينكسر الجسر قبل شرود وإنحسار النيل بيوم واحد فقط لذلك جاء تعبير الشاعر بأنها عترت عند الباب.
بعض التعاريف:
عوض الماحي: المقصود به عوض علي الماحي و كان وقتها يعمل بالقوات المسلحه بمدينة ود مدني.
ِصّديِقيه: راكوبه كبيره بالساب (رأس الجزيره الغربي) وكانت تقام فيها المناسبات الكبيره، على سبيل المثال زواج د.فتح الرحمن كان فيها، وأسمها منسوب لإسم النخله التي كانت تقام تحتها و هذه النخله تسمى بجاو صديق.
المسكين: هو راس الجزيره الآخر وهو أعلى نسبياً من الساب حتى أنه لم يتأثر كثيراً، و يقال في فيضان 1946 لم يتأثر على الإطلاق.
هذه المقدمه و هذه التعاريف قصدت بها تقريب وجهة نظر القاري الكريم حتى يتم فهمها بالصوره المطلوبه حيث أن معظم أعضاء هذا المنتدى ربما لا يتذكرون هذا الفيضان الجاسر في ذالك الوقت البعيد.
هناك تعريف ايضا للجزيره إتماري من الأخ الفاضل عادل موسى تجدونه في المنتدى العام.
إتماري العترت عند الباب
وإندرشت عند العتبه الرب وقع بي فوق ليها الدراب
إتماص الساب... يا عوض الماحي... إتماص الساب
إتماص المسكين يوم إتبت الحيل و الخيل دلت فرسانا و عزه مصاب
ما كان حاسبين لليوم ده حساب
البحر الجاهن بي فوق شايل نفسو الحار ماكان هواب
يا عوض الماحي الساب ما شفتو و كت من بين ايدين الناس في لحظه إتغاب
يا عوض الماحي إتماري القت لك قبرت و إنهال فوقا تراب
شاهد في حسبو و شاهد في صديقيه و راس الساب
ما كت كذاب..أنا كت صادق كانت دي مشاعري و دي مشاعر كل القلبو علي المسكين و الساب
إتماري إتقسمت.. أهلا إتفرقو مجبورين دون خاطرا طاب
وين حاج إدريس..وين حاج أحمد..وين حبوبه..لا لمو بعض لا لموكم لا إتلمو قراب
مسكين البحلم يسمع آذان حاج إدريس في العوداب
مسكين البحلم يشوف في صديقيه لمات أصحاب
رحلو البادراب.. رحلو الفاضلاب.. رحلو العوناب
تاركين الدار للبحر الفيهن عاس الكسري وملَح و ما كان ناقصو شراب
البحر التور سودي تلوت الليل خلى الأرحام أغراب
يوم دخل البيت نزَل معلاقو و شرب اللبن اليادوب راب
من قدام عين عطا شالو و صنقع و كركع و ما خلى حتى الرواب
وإندش نفض ضلالتو و سوى الملطم و عطن الدراب
و صنقر في الحوش يعجن و يرسم من طينو اللك بت اللعاب
و نايم جنبها تلتين في ليلو و بعدين قبَل للحاجاب
و صبح بدري على صالونو و بنَت سيجتو و تكالت الطاب
و كورك لي ود منصور..جاهو و عدَ على إششي الما كانت عارفه المنصور ليهن شن جاب
ما جاب الزين..كان جاب الزين ما كان إششي إتقلعت قعدت فوق الحجر اللابتشكر لا بتعاب
ما بينشكر ما هو محل رقده و ما بتعاب سلمو رقاب
الحلي البشتنه بندِقه بندِقه كسَره خلاها رماد و خراب
و المغرب شرب الشاي في ترج الكانت قايلي أصغر شفَعه للخيل ركاب
من خت كراعو و هزَ ضراعو الناس رحلت ما فضل فيها عقاب
يوم مسح المتره و الكير و الحله الفوق ما خلى أثر هوَاب
ولع فانوسو مسافر ليلو و حايم شك كدوسو الكان تمباكو كتير ماليلو جراب
حقبو و عده بي أري قطع لي مقل الكانت بالي الراس من يوم ما جاها من الشيخ جواب
و ماتت موسو وكت مشى حمَاد و هبش في الكوع و أنسي و ساقة ود الطاهر و الفاناب
وإتقفلت من ناس ود نري السكه ومايجو للسوق ناس الحمداب
نفَض نعليهو و مسك العقبه و عارض فوق كتفو عصايتو وغنى و دوبا زين و برم الأشناب
و سلم عبد الله الرآيه و لملم كريقاتو وطواريهو و قلَع، لا خلى عتب لا شباك لا باب
و لا آدم و لاسيده لاقاهم، لا لقو كرسي و لا لقو دولاب
*******
لا اثر البرسيم بان تاني لا الفوقو و لا القايم جنبو
الشتل المويه الدخلت فيهو شِرق و رم جريدات قلبو
بركاوي..تمود..مشرق..قنديلي اشكال مابيتحسبو
*******
الناس الوقفت شدت حيله صغار و كبار
الناس الجسرت حمت الزرع و الروح و الدار
فضلها محفوظ
أدوها في صفحة فرسان الكاسنجر أعظم تزكار
الهم أجزي في الدنيا و يوم يصبح عندك لينا حوار
الهم أكرم في الدنيا و يوم يصبح عندك لينا حوار
الهم عفوك و رضاك و حمداً لك يا رب بتبارك
الهم إسدل ستارك
الهم الحال عالمبو و ليك مشيئتك و ليك خيارك
الهم الحال عالمبو و ليك مشيئتك و ليك خيارك
الهم الحال عالمبو و ليك مشيئتك و ليك خيارك
مع تحياتي وودي لكم و للأخ وراق المجذوب
هذه القصيده هي واحده من قصائد الأستاذ الشاعر القدير وراق المجذوب حاج الماحي، كيف لا و جده حاج الماحي الذي عظَم الجزيره إتماري في معظم مدائحه، وها هو حفيده يفعل نفس الشي لكن بشي من الحسره علي ذهاب بيوت تلك الجزيره العظيمه في فيضان عام 1988 وكان فيضان مدمِر لكل الكاسنجر كما واضح في هذه القصيده المأساويه.
الناس جَسَرت و تعبت تعب شديد في حماية إتماري (وفضلها محفوظ كما قال وراق) لكن قدّر الله أن ينكسر الجسر قبل شرود وإنحسار النيل بيوم واحد فقط لذلك جاء تعبير الشاعر بأنها عترت عند الباب.
بعض التعاريف:
عوض الماحي: المقصود به عوض علي الماحي و كان وقتها يعمل بالقوات المسلحه بمدينة ود مدني.
ِصّديِقيه: راكوبه كبيره بالساب (رأس الجزيره الغربي) وكانت تقام فيها المناسبات الكبيره، على سبيل المثال زواج د.فتح الرحمن كان فيها، وأسمها منسوب لإسم النخله التي كانت تقام تحتها و هذه النخله تسمى بجاو صديق.
المسكين: هو راس الجزيره الآخر وهو أعلى نسبياً من الساب حتى أنه لم يتأثر كثيراً، و يقال في فيضان 1946 لم يتأثر على الإطلاق.
هذه المقدمه و هذه التعاريف قصدت بها تقريب وجهة نظر القاري الكريم حتى يتم فهمها بالصوره المطلوبه حيث أن معظم أعضاء هذا المنتدى ربما لا يتذكرون هذا الفيضان الجاسر في ذالك الوقت البعيد.
هناك تعريف ايضا للجزيره إتماري من الأخ الفاضل عادل موسى تجدونه في المنتدى العام.
إتماري العترت عند الباب
وإندرشت عند العتبه الرب وقع بي فوق ليها الدراب
إتماص الساب... يا عوض الماحي... إتماص الساب
إتماص المسكين يوم إتبت الحيل و الخيل دلت فرسانا و عزه مصاب
ما كان حاسبين لليوم ده حساب
البحر الجاهن بي فوق شايل نفسو الحار ماكان هواب
يا عوض الماحي الساب ما شفتو و كت من بين ايدين الناس في لحظه إتغاب
يا عوض الماحي إتماري القت لك قبرت و إنهال فوقا تراب
شاهد في حسبو و شاهد في صديقيه و راس الساب
ما كت كذاب..أنا كت صادق كانت دي مشاعري و دي مشاعر كل القلبو علي المسكين و الساب
إتماري إتقسمت.. أهلا إتفرقو مجبورين دون خاطرا طاب
وين حاج إدريس..وين حاج أحمد..وين حبوبه..لا لمو بعض لا لموكم لا إتلمو قراب
مسكين البحلم يسمع آذان حاج إدريس في العوداب
مسكين البحلم يشوف في صديقيه لمات أصحاب
رحلو البادراب.. رحلو الفاضلاب.. رحلو العوناب
تاركين الدار للبحر الفيهن عاس الكسري وملَح و ما كان ناقصو شراب
البحر التور سودي تلوت الليل خلى الأرحام أغراب
يوم دخل البيت نزَل معلاقو و شرب اللبن اليادوب راب
من قدام عين عطا شالو و صنقع و كركع و ما خلى حتى الرواب
وإندش نفض ضلالتو و سوى الملطم و عطن الدراب
و صنقر في الحوش يعجن و يرسم من طينو اللك بت اللعاب
و نايم جنبها تلتين في ليلو و بعدين قبَل للحاجاب
و صبح بدري على صالونو و بنَت سيجتو و تكالت الطاب
و كورك لي ود منصور..جاهو و عدَ على إششي الما كانت عارفه المنصور ليهن شن جاب
ما جاب الزين..كان جاب الزين ما كان إششي إتقلعت قعدت فوق الحجر اللابتشكر لا بتعاب
ما بينشكر ما هو محل رقده و ما بتعاب سلمو رقاب
الحلي البشتنه بندِقه بندِقه كسَره خلاها رماد و خراب
و المغرب شرب الشاي في ترج الكانت قايلي أصغر شفَعه للخيل ركاب
من خت كراعو و هزَ ضراعو الناس رحلت ما فضل فيها عقاب
يوم مسح المتره و الكير و الحله الفوق ما خلى أثر هوَاب
ولع فانوسو مسافر ليلو و حايم شك كدوسو الكان تمباكو كتير ماليلو جراب
حقبو و عده بي أري قطع لي مقل الكانت بالي الراس من يوم ما جاها من الشيخ جواب
و ماتت موسو وكت مشى حمَاد و هبش في الكوع و أنسي و ساقة ود الطاهر و الفاناب
وإتقفلت من ناس ود نري السكه ومايجو للسوق ناس الحمداب
نفَض نعليهو و مسك العقبه و عارض فوق كتفو عصايتو وغنى و دوبا زين و برم الأشناب
و سلم عبد الله الرآيه و لملم كريقاتو وطواريهو و قلَع، لا خلى عتب لا شباك لا باب
و لا آدم و لاسيده لاقاهم، لا لقو كرسي و لا لقو دولاب
*******
لا اثر البرسيم بان تاني لا الفوقو و لا القايم جنبو
الشتل المويه الدخلت فيهو شِرق و رم جريدات قلبو
بركاوي..تمود..مشرق..قنديلي اشكال مابيتحسبو
*******
الناس الوقفت شدت حيله صغار و كبار
الناس الجسرت حمت الزرع و الروح و الدار
فضلها محفوظ
أدوها في صفحة فرسان الكاسنجر أعظم تزكار
الهم أجزي في الدنيا و يوم يصبح عندك لينا حوار
الهم أكرم في الدنيا و يوم يصبح عندك لينا حوار
الهم عفوك و رضاك و حمداً لك يا رب بتبارك
الهم إسدل ستارك
الهم الحال عالمبو و ليك مشيئتك و ليك خيارك
الهم الحال عالمبو و ليك مشيئتك و ليك خيارك
الهم الحال عالمبو و ليك مشيئتك و ليك خيارك
مع تحياتي وودي لكم و للأخ وراق المجذوب
