اطيب اللحم

ا اطبب اللحم ما جاور الغظم ولكن اشهر واجود ثلاثه قطع لحمه فى الثوروالتى وزنها حوالى اثنين كيلو تقريبا لكل قطعه و ايضا تعرف باللحمه البارده وهى :-1- الفلتو (بيت الكلاوى) 2-البياتكو(لحمه فى شكل موزه داخل فخذة الرجل الخلفيه 3-القريبه(مباشرة مع عظمة الظهر) ةكلها من نعم الله علينا

الاخ الغاتح كم انا سعيد بحضورك للسودان وطبعا دى بشاره كبيره حملها لنا المنتدى وان شاء الله عند حضورك معزوم معنا فى قندهار غرب امدرمان لاكل اطيب اللحم حتى تكتمل المعلومه

الاخ خالد كيف اخبارك ؟ والله ذكرتنا قندهار . تحياتي .

الإخوة الأعزاء
مادام كلنا مشتهين اللحمه دي ما نعمل لينا رحله يكون فيها خروف خروفين و نمشي على جزيرة توتي (بعد ما عملوا ليها كبري) على شرف وصول اخونا الفاتح. و بعد داك جنابو يورينا الشغل بيان بالعمل.

الاخ ياسر والاخ خالد تحياتى لكم وللجميع شايفكم تعزموا فى الفاتح واحد قندهار واحد توتى ادونا فرصة معاكم !!!!
الاخ الفاتح مشتاقين كتير ايه رايك فى سمك مع جلسة على شاطئ البحر فى منطقة تسمى ( السقالة) المرة دى الاجازة معانا والله شنو ؟؟؟

نسبة لانشقالى الكبير هذه الايام بانشاء مصنع للحوم جديد لم ادخل الى الموقع منذ اسبوع ولكن بعد قراة هذة الردود وعلى شرف الضيف الكبير الفاتح وبحر الضيف نلقالنا حريف ونحن جاهذين للخروف انشاء الله

الفاتح /ربنا يوصلك بالسلامه. وإجازتي تبدأ من 17/6 حتى 10/7 وإن شاء الله سأكون متواجد بالخرطوم.
الأخ محمد مدني/لك التحيه و لكل أهل الشرق. وبكل تأكيد الاخ الفاتح سوف يزورك ببورتسودان بس جهز ليهو السمك (اظنو السلمون احسن الأنواع) وكمان نتمنى إنك تكون من المشاركين و الحاضرين في هذه الرحله المقترحه بالذات أن هذه الأيام ذروة السخانه في بورتسودان.

هذه الرحله المقترحه أرجو أن تكون الدعوة لها عامه لكل أهل الكاسنجر ليشهدوا تدشين هذا المنتدى و ياخذو فكره عنه ويكون بمثابة إعلام له.

الأخ صلاح عريس المنتدى/ ربنا يسهل و يتم زواجك على خير. و ألف مبروك ليك مقدم وعقبال الإخوة في الإداره و الأعضاء..المتزوجين و غير المتزوجين منهم.

راية العرس هذه لا نريدها ان تسقط ولابد من تسليمها للعريس القادم يا صلاح وياريت تكون من نصيب الإداره...المدير أو المشرف