منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا


انضم إلى المنتدى ، فالأمر سريع وسهل

منتديــــات الكاسنجــــــــــــــــــــــــــــــــــــــــــــر

أهلاً وسهلاً بك في منتديات الكاسنجر
عزيزي الزائر الكريم .. زيارتك شرف لنافي المنتدي ، ولكننا نطمع في تسجيلك معنا

منتديــــات الكاسنجــــــــــــــــــــــــــــــــــــــــــــر

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

للتواصل بين ابناء الكاسنجر بالداخل والخارج وكل الراغبين


5 مشترك

    الكاسنجر والذكريااااااااااات

    avatar
    ايمن محمد عثمان


    عدد المساهمات : 73
    نقاط : 112
    تاريخ التسجيل : 04/06/2010

    الكاسنجر والذكريااااااااااات Empty الكاسنجر والذكريااااااااااات

    مُساهمة  ايمن محمد عثمان الأحد 6 يونيو 2010 - 15:22

    هى لحظات مره بها كل انسان ولكن فى الكاسنجر تختلف عن بقية كل القرى بدءا من روضة بت الطاهر والتومه بت عمر ثم ينمو المرء وتزداد القدرات والاحلام الذهاب الى مساخه وراس الساب حيث تعليم العوم ثم الطاب والكشتينه .حينما يتاخر الواحد يجد الصبور او عبد الله ودعمراب فى النيمه منتظر للجلد من طرف لايفرق بين هذا ولاذاك وكل الناس تمشى والنفوس طيبه وراضيه وتتزاحم العبرات والضحكات حين الانتهاء من طابور الجلد .يالله دى الكاسنجر ؟طيب كيف لو قلت ليك عن ميدان الحاج عبد الله
    وميدان ودعلى وتشجيع على طنطا وبشاب وعبد الله سليمان القلاب وجر الحبل قبلى الصافى وبحرى الطيب ود العاصى ودى كان ايام رابطة الكاسنجر تجى فى ايام الاعياد حاملة الغالى والنفيس.يا الله دى الكاسنجر ؟حتى شبابه الكادح الصبور فى الدراسه بجى قدام طب وهندسه وزراعه وكمبيوتر واقتصاد واداب واداره ورياده وقياده .وادب وفن وشعر (مانى قدرك يا بثينه مالو سعدك لى سمح ما دام سعاتك فى القروش انا حالى ما داير شرح )وصلاة العيد خور الصلاة وقبة ابونا حاج الماحى ومباركة العيد من الماحى الحسن حتى الحاج الحسين والجرم مقلى من قبل دورين للعيد وكل الناس فرحانين ومطايبن ودى الكاسنجر يالله .والعجب لو جاى زولا مسافر كل الاهل والاقراب بى صفوف ليه بتقالد وخبر فلان شفتو وقال جاى متين طول هو من سافر دابو تم دورين .الحن كاتلم ولو قلنا مدرسة حسن خليفه ومواقف الشموشى وياسر محجوب وحسبو خليفه واحمد الزين ونسة ابربع بكتب لى بكره داير تانى يومين لكن انا بطلب من اى زول اطلع على هذا البوست يكتب عن اى موقف طريف من الكاسنجر يعبر عن براءت وطيابت اهل الكاسنجر ويا عااااااااااااااااااااااادل موسى ضرورى تتحدث لنااااااااااااااااا عن الورشاااااااااااااااااااات عليك الله ما تقوليناااااااالا
    وشكرا
    زاهر سر الختم
    زاهر سر الختم


    عدد المساهمات : 638
    نقاط : 851
    تاريخ التسجيل : 26/04/2010

    الكاسنجر والذكريااااااااااات Empty رد: الكاسنجر والذكريااااااااااات

    مُساهمة  زاهر سر الختم الأحد 6 يونيو 2010 - 16:35

    الله ... الله

    ايمن محمد عثمان
    لفته جميلة بهمس مختلف


    بعد حضور عادل موسي لي عودة
    ودي وسلامات
    avatar
    ايمن محمد عثمان


    عدد المساهمات : 73
    نقاط : 112
    تاريخ التسجيل : 04/06/2010

    الكاسنجر والذكريااااااااااات Empty رد: الكاسنجر والذكريااااااااااات

    مُساهمة  ايمن محمد عثمان الإثنين 7 يونيو 2010 - 5:11

    شكرا حبيبى ابو الزهوووووووووووووووووور
    avatar
    عادل موسى محمد الحاج


    عدد المساهمات : 41
    نقاط : 75
    تاريخ التسجيل : 28/05/2010

    الكاسنجر والذكريااااااااااات Empty الذكريات

    مُساهمة  عادل موسى محمد الحاج الخميس 10 يونيو 2010 - 10:11

    شكرا" جزيلا الاخ/ أبودجانه على هذا الموضوع والذي في تقديري الكتابه فيه لا تحدها حدود ، فمراتع الصبا لا يمكن نسيانها على الاطلاق فهي زادنا في بلاد الغربه . فهذه الخاطره التي خطها قلمك هي بالتاكيد تمر علينا في اليوم أكثر من مره فكيف لنا أن ننسى هذه الحياه اللطيفه بمواقفها وتفاصيلها التي تشبه العرض الكوميدي الظريف ........
    وكما ناشدتني أخي أيمن أن أكتب في رمزيه كانت حاضره في المنطقه وهي مكان لاينسى شأنه كأمكنه الكاسنجر التي فرضت علينا عبقريتها ، فسوف أجود اليك وللأخوه بالمنتدى ببعض ذكرياتها أنشاء الله تعالى .. فانتظرونا ( الورشاااااااااااااااااااااات)
    avatar
    Abu el-Gasim


    عدد المساهمات : 43
    نقاط : 65
    تاريخ التسجيل : 19/05/2010

    الكاسنجر والذكريااااااااااات Empty رد: الكاسنجر والذكريااااااااااات

    مُساهمة  Abu el-Gasim الثلاثاء 15 يونيو 2010 - 6:26

    الاخ أيمن -----------السلام عليكم ورحمة الله
    جزاك الله خيرعلى هزه الزكريات الطيبه عن الكاسنجر واتمني أن تواصل لنا فى هزه الزكريات وشكلو عادل ماداير يكتب عن الورشات
    سعد ودعود
    سعد ودعود


    عدد المساهمات : 25
    نقاط : 45
    تاريخ التسجيل : 06/06/2010
    العمر : 48
    الموقع : المملكة العربية السعودية

    الكاسنجر والذكريااااااااااات Empty رد: الكاسنجر والذكريااااااااااات

    مُساهمة  سعد ودعود الثلاثاء 15 يونيو 2010 - 10:18

    ازيك يا ايمن عساك والاسرة الكريمة بخير انت سوف تقلد وتلقب بدكشنري فلكلور الكاسنجر في السنين القادمات باذن الله بس نحنا قدرنا ابعدنا والبركة فيكم الصحة مادايمة والشباب مادايم والمناصب المرموقة مادايمة ارجو ان ينحت اسمك في تلك الحقبة بماتقدمة لوطنك الصغير الكاسنجر محتاجة ليكم بالفعل مش بالكلام والزكريات ارجو ان تقبل هذا الاهداء البسيط ،،،
    أديني إحساس بالأمل .. في كل رحلة شوق تطول
    وأدي الخطاوي الراجعة ليك .. في سكتك عشم الوصول
    ما الدنيا كلها إرتحال …
    والإنتظار قدر الوصول ..
    الموجة تحلم بالضفاف …
    والغيمة تحلم بالهطول .
    avatar
    ايمن محمد عثمان


    عدد المساهمات : 73
    نقاط : 112
    تاريخ التسجيل : 04/06/2010

    الكاسنجر والذكريااااااااااات Empty رد: الكاسنجر والذكريااااااااااات

    مُساهمة  ايمن محمد عثمان الثلاثاء 15 يونيو 2010 - 11:32

    يا بعيد عن ديارك مصيرك تعود
    الاخ الكريم سعد ادريس صديق عساك صحه وعافيه ورضى والله مشتاقيييييييين كتير كيف الغربه واياك وشكرا على المتابعةوالتصيحة الغالية ابشر الأمور كلها بتمشى كويس انشاء الله وابقى ظاهر
    سعد ودعود
    سعد ودعود


    عدد المساهمات : 25
    نقاط : 45
    تاريخ التسجيل : 06/06/2010
    العمر : 48
    الموقع : المملكة العربية السعودية

    الكاسنجر والذكريااااااااااات Empty رد: الكاسنجر والذكريااااااااااات

    مُساهمة  سعد ودعود الأربعاء 16 يونيو 2010 - 16:32

    الاخ ايمن انت معدنك اصيل ونفيس كالذهب كالما يصهر ليشكل اشكال يزيد بريق ولمعان انت اخ عزيز النصائح هالزمن ما تاتي الامن اخ كبير لاخية الصغير اشكرك لتقبلك النصح وربنا يوفقك لما يحب ويرضي بس مهما كبرتو انا اتذكركم انت وعلاء الدين وعبد العزيز الحاج ايام الدراسة والمنافسة الشريفة على الترتيب الاول والثاني الايام يااخي ربنا يعطيكم الصحة والعافية

      الوقت/التاريخ الآن هو الخميس 28 مارس 2024 - 14:49