رد بنيتى حسابك

امة جديدة لنج .. مناصرة للمرأة وحقوقها كتبت : تقول رداً عل الأغنية الشائعة بنيتي حسابك


بنيتي حسابك..
نضمي أسمعا .. ونضم راجل اوعى تسمعا
وكان طلقك ما يطلقك هو اصلو ما بينفعا
بنيتي حسابك..
كان قال ولاعندو اوعى تصدقا .. غفليهو و بنطلونو فتشا .. رجال زمن دا جنو يغشغشا
بنيتي حسابك..
راجل كان جرا منك في ضنبو أمسكا.. واي نضم يقولو ليك حكحكا
بنيتي حسابك..
راجل كان نضم في موبايل إتلبدا .. ونضم كلو أسمعا باكر ما يقولو فوقك عرسا
بنيتي حسابك ..
راجل اوعى تدلعا .. وكان عاطت فوقك كورية أم قعار في نص راسو افلعا .. كان زعل واتنفخ اوعى تهببا .. بعد مرات يكون ولا زعلان لكن بيكضبا
بنيتي حسابك..
إنتي اصحي بدري وتوبك الفحا ..وبيوت حلة بيت بيت اتفسحا .. وكيس وسخ في خشم باب اطرحا.. بعد شهر تجي عربية نفايات تلفحا
بنيتي حسابك
راجل كان نزل انتخابات اوعى ترشحا .. وحات الله يفوز فوقك يعرسا وانتي تاكلي نيم ما تشبعاحسابك



















--------------------------------------------------------------------------------
Hotmail: Trusted email with powerful SPAM protection. Sign up now.

الأخ / ودنقيري ،،،،،،،،، أحوالك وأخبارك
هذه القصيده هي دعوه للمرأه على التمرد والعصيان وعدم سماع التعليمات ، وبعدين الجماعه الدايرين يخشو الموضوع ده بيجهجهن شويه ،،،، أرجو أختيار قصائد تقوي الشراكه بين الطرفين بدلا من أستسلام البعض ورفع الرايات مبكرا.
لك شكري،،،،،،،

الاخ / ودنقيري
لك التحية ...
وانت عادل موسي مالو خايف من الكلام ده ... يكون ناوي ينزل انتخابات ... أنا برشحو .. لكن حكاية الكورية أم قعر ما بضمنا ليهو ... بس هو ما يعيط

لكم ودي ... وسلامات

الأخوان/ زاهر / عبدو الشيخ

أحوالكم وأخباركم
شايف الفار لعب في عبكم ، شكلو الموضوع مسيطر عليكم بالمره ، عموما مافي مشكله ممكن الأتصال بي لللمساعده أو الأستعانه بصديق لكن أوعكن من ود نقيري،،،،

أما للاخ عبدو الشيخ أقول ماتخاف الامانه محفوظه؟؟ لكن شايفك اليومين ديل تفرفر شويه أنشاء الله يحصل خير طبعا دي معلومات مؤكده ( ودي مهنتنا )

لكم ودي والسلام ،،،،،،،،،

هههههههه يخوانا عادل معاه الحق يا دوب بتحسس فى الطريق الحكايه جابت ليها عصيااااااااااااااااان الله يستر يا ناااااااااااااااااااس شكرا ابو القاسم دايما رائع

غيم:صراحة الموضوع داير دراسة وهو حساس جدا ما بخلى من ان فية ريحة الدعوه للعصيااااااااااااان المدنى ههههههههههههه لكن انتو يا غيم دايرين مباصره شوية إن عصروكم تكوركو ,إن خلوكم تطلعو فوق راسنا .فى راى.احسن الحفاظ على العزابه ونعيش على امل أن تطور المرءه وتصبح مطيعة حبه كده

[b]

هههههههههههههههههههههههه غيم الكثره غلبت الشجاااااااااااااااااعه البنات الان فى حالة زياده فى شكل متواليه هندسيه ونحن متواليه عدديه يعنى كل عزابى مننا قصاد ابع عزابياااااااااااااات وقطر العمر ماشى بسرعه لابهدن ولابقيف يعنى مافى حل غير تلينو رااااااااااسكم.وتجو على يدناااااااااااااااا يا غيم
يحياتى العطره

التفاهم حلو

]

هههههههههههههههههههه كلام مية المية سمح بى الحيل
بينى بنكم الرجال ما تنفع معهم لا الكلام الزى دا
وكان عاطت فوقك كورية أم قعار في نص راسو افلعا
بى الجريدى زين لبعا خرطوش الموية شيلى اضربا
ههههههههههههههههههههههههههههههه
تقبلوا مرورى

بت الكاسنجر------------- لكى التحيه
-الموضوع كبرتو شديد أنا ماقايل بحصل كده وبعدين بت الكاسنجر زودتو حبتين وأنا أطلب من الاخوان زاهر وعبدو الشيخ سحب الموضوع حتى لايتم التصعد أكتر من كده---أنا ماداير مشاكل خايف علي عادل موسى اكتر

[size=18]hالسلام عليم
الوضوع ده اسموا النار ولعت عديييل كدة
وعبدو الشيخ ده يا عادل موسي يبرج بية وري الدارة ولا معلوماتك اكيدة
ويابت الكاسنجر اللعب النظيف شعار الفيفا [/s ize]

االاخ ابوالقاسم يادوب الحرب الباردة بين روسيا وامريكيا انتهت القالك تانى ولعا منو واعمل حسابك الامريكان كلهم شايلين عصايات عشان يضربوك بها عشان ضربتك كهربه وكلامك دة كلام زول ضربت كهربه ولارم ان يتم ضربك عشان تتفوت منك الكهربة وتكون زول

الاخوان الاعزاء لكم التحيه والاحترام انا الموضوع ده إنسحبت منو وبعداك مادايرين تخلونى وجنابو خالد دخل فيها امريكا والكهرباء الاتنين صعبات يا زاهر وروني حل وسط لهذا الموضوع يعنى ماعندكم حل غير ضربة الكهرباء
لكم تحياتي

الأخ / ودنقيري ،،،،،،،،،،،،، سلامات ياخال

ياساتر الموضوع أتطور كتيير ، وأنا بقول للاخ زاهر وعبدو الشيخ مافي طريقه أنسحاب والحشاش يملأ شبكتو وسأوجه منصات الصواريخ والأسلحه حتى المحرمه دوليا لحسم هذه المعركه ( خلولي العدو وأقعدوا فراجه ،،،،،، النار ولعت يامعاويه )

لكن هناك أسلحه أخرى سأوجهها للمتخازلين ورافعي الرايات البيضاء ( زاهر وحزبه )

@ تعمم لأقسام المنتدى ،،،،،،،،،،،
شكرا"

الاخوه الاعزاء كل من علق على هذا الموضوع ------------
السلام عليكم ورحمة الله -------اخونا عادل هدد وقال على وعلى اعدائى وخالد خليفه بدل يقيف معانا وقف مع العزابه ناس زاهر وزاهر اعمل حسابك عادل مابيخليك كان لى حول السنه دى وانا أعلنت الانسحاب رسمى وشعبي واعلنت التوقف عن مراقبة هذا الموضوع حتى لا اعرف شى عنه الموضوع كان عباره عن كميرا خفيه وإنتهت ونشكر جميع من ساهمو الى القاء فى موضوع اخر
ا