النَمَّة العتيقة

النمَّة العتيقة

قال شاعر المناصبر :

شتيلة المِشْرِق الرَّدَفو لِك اَلْمَا

الفَسِلْ حرَّاسا حامبنا المَرمَّى

متين يا قُــرَّة العـينين نِتْلَمََّ

كان بـكا كان فرح كان أيِّ لَمَّة

أضحكي للمريض كان ينسى الحُمَّى

واضحكي لليتيم كان ينسى يُمَّة

إنت إن شلتيهو ما بَكى تاني ضُمَّة
[/size]

التحية للاستاذ احمد
وقال اخر
يا شتيل المشرق الفدع العراجين
سيدو ما غبالو من الموية يومين
وقال الاستا ذحسن الدابي في الحبيبة.............


( المنقة)
شديرة منقة مزروعة خدرا ولينات فروعا
سالتغفيرا من نوعا
قال لي دي حاجة ممنوعة
والخوة معاك مقطوعة


يا غفيرا عليك الرسول
لحظة بس انظرا مافي طول
قال فوت اختاني يازول
انت جنيت ولا مخلول
افرض اتلقاني مسوؤل
ولا شافك انا شن نقول

الاعزاء معاوية وزاهر ....... الشعر القديم هو مخزون الابداع والحكمة ولقد ذكرتموني بيوت من الدوبيت قديمة تقول
واحد واربعين بت اللبيب عبدالله / / لا حامت فريق لا جالست خلق الله
واحد واربعين بت اللبيب عدلان / / لا حامت فريق لاجالست صبيان
واحد واربعين بت حامد المقنية / / لا حامت فريق لا جابت اخبارية
سأحاول في كل مرة ان اسجل بعض الابيات العتيقة تحت عنوان النمة العتيقة ويا حبذا لو شارك في ذلك كل الذين يحفظون الشعر القديم
شكرا لكما معاوية وزاهر